مافيه مثل الكركديه البابونج رائع يقضي على الكحه فى كم يوم وينشف الحل من البلغم والحكه
ماتشوفين شر

عندي علاجات من المنتدى حافظتهم من زمان بملفات وورد للاستفادة رح انسخهم واكتبهم والله يشفيك يارب
طريقة 1

سبحان الله .. علاج الزكام بطريقة سهلة ( مجرب ) وناجح ومفيد

إلى كل أم ( أهدي هذا العلاج المجرب للزكام سواء للأطفال أو لغيرهم من الأعمار )
قبل النوم (تاخذين مسمار قرنفل مطحون + زيت زيتون او فكس يكون احسن)
تدهنين القدم بالزيت او الفكس انا استخدم الفكس افضل وبالتالي تذرين عليه المسمار المطحون وبعدين تلفينه بالكلينكس عليه وتلبسينه ادلاقه ( دلاغ ) وتخلينه ينام وان شالله مايقوم الصبح الا وانه طيب معافى وهذا طبعا بإرادة المولى عزوجل .
فائدة المسمار انه يمتص البرد الي في الجسم جربوها مع عيالكم وراح تدعولي

طريقة 2

اخلطي حلبه مع يانسون مع النعناع الحلبه مذيب للبلغم واليانسون موسع لشعب والنعناع اعتقد انها قالت مهدئ وهذي دكتوره مستضيفتها القناة الاولى بنات بصراحه انا جربته مع عيال لانهم مستحيل يشربون ادوية ولا ننام الليل منهم من الكحه والحمد لله نفعت والحين هي الوصفه المعتمدة عندي وللمعلوميه لاتخافون من ريحة الحلبه ماتطلع عشان اليانسون والنعناع يقطعها



طريقة 3

هذا موسم الكحة والزكام الله يبعدنا ويبعد عيالنا عنها


عزيزاتي
لاحظت كثير بنات في المنتدى يشتكو عيالهم من الكحة الجافة والكحة ببلغم وحساسية الصدر وإستمرار الكحة لأيام وليالي..وينتهي العلاج والكحه ماراحت...ولاأولادكم يناموا..ولاإنتوا تقدروا تناموا...صح ولا لأ؟؟؟
أنا حاسة بمعاناتكم لأني عايشتها في البيت..بس مع تجربتي هذي راح تودعوا العلاجات الطويلة وراح ترتاحوا وتريحوا أولادكم..ولاتنسوا تدعولي أهم شي...
وهذي الطريقة أنا مجربتها من زماااان وكل مره تثبت لي فعاليتها ونتايجها الراااائعه...
والله إن بنتي كانت طول الليل تكحكح لين أحس جنوبها راح تتفزر من قوة الكحة ياقلبي عليها...وكان لها صوت وهي نايمة والصوت طالع من حلقها ومن خشمها..صوت خرخرة على شخير...وأحس إنو صدرها من جوه تعبان..لكن من بعد مارجعت لطريقتي والله إني إرتحت وإرتاحت ومن أول يوم في الإستخدام خفت الكحة وخفت الخرخرة ...
فحبيت أفيدكم بتجربتي..
بالنسبة لزيت سمسم صحي ومفيد للعظام وللصدر..فحتى لو أولادكم إتشافوا..لاتقطعوه عنهم....تراه جدا جدا ممتااااااااز...

بس أهم شي يكون جديد من المعصرة

و أنا بقولك على طريقة تريحك من الكحة بإذن الله
وأبغ كل من تستخدمها تدعيلي لأنها طريقة ممتاااااازة وناااااااجحه جدا....وملموسة نتائجها من أول ليلة..وحتشوفوا..


شوفي حبيبتي

أولا لازم تكوني في غرفة دافية أفضل عشان الطفل مايتعرض لهواء...


تحتاجي..:


قطعة قماش قطن ((أو شماغ أو غترة قديمة لزوجك يكون أحسن))
شراب متين

أول شي بالنسبة للدهان..
تحطي شوي زيت سمسم وشوي زيت زيتون وتحطي فيهم 10 حبات تقريبا حبة سوداء بس لاتكثري..
وحطيهم على النار لثواني((أصلا ماتحتاجي غير ثواااني))لأنك على طول راح تسمعي صوت الحبة السوداء تطقطق في الزيت...معناها الزيت صار حار..

تكوني مطبقة الغترة أو القطعه القطن بشكل مستطيل بحيث تنلف على الخصر وتزيد شوي((عشان تضمني إنها ماتنفك خلال نومه..)) وأنا بالنسبة لي أحطها على الدفاية الزيت إذا تعرفوها عشان تكون دافية..وإذا ماعندك دفاية زيت خلاص مو مشكلة بس أهم شي لاتكون باردة القطعه..

خذي الزيت وروحي الغرفة تكوني كاشفة ظهر طفلك وبطنه..((إنتبهي من الزيت الحار)) يعني أدهنيه على جسمه بس يكون دافي شويتين مو يبرد إنتبهي...
إدهنيه تمام ظهره وصدره وحتى رقبته تمااااام...
وبعدين شيلي القطعه من على الدفاية وإفرديها وحطي طفلك عليها ولفيها عليه..((كأنها حزام عريض يغلف الصدر والظهر والبطن)) أتمنى تكونو فهمتوا عليا...

ولبسيه فوقها بلوزة قطن أو بيجامة داخلية كاملة +هيلاهوب((عشان يمسك طرف الشماغ من تحت وماينفك لما ينام))
وبعدين أدهني رجليه بالزيت تمام وتكوني كمان مدفيه الشراب على الدفاية ((أفضل والله))
ولبسيه على طووول الشراب ولبسيه بعدين بجامته..ودخليه سريره..عشان لايبرد..ويظل دافي...((طبعا هذي الطريقة تسويها قبل النوم مباشرة...يعني تكوني مفرشة أسنانه ومعطيته علاجاته وكل شي...))

((فايدة ثانية للقطعة الشماغ وهي إنها تلف الصدر بحيث وقت الكحة مايحس الطفل بقوة الكحة لما يكح ومايحس إنو صدره مفكك..يعني هي مفعولها زي الكوفلة تلم العظام وتريح الطفل..))

وبإذن الله كلها كم يوم وماعاد تسمعي الكحة..أصلا تريحه في النوم...



بالنسبة للشراب أو إللي يشربه الطفل..

أنا أفّور مقدار نصف فنجان شاي من المويه+ورقتين كبار ورق جوافه((ممتاز ممتاز ممتاز فوووووق ماتتخيلوا للكحة والبلغم ومن تجربه وأسألوا جداتكم والعطارين))تلقوه عند العطار..((طبعا الورق مجفف مو طازج..أو تقدروا توصوا أي أحد تعرفوه عنده بستان فيه شجرة جوافه يجيب لكم الورق وإنتم أغسلوه وجففوه...وأستخدمو بهالأوقات من السنة..

المهم أفور المويه مع الجوافه عشان يتركز((يعني إللي يطلعلي بعد مايفور مقدار ملعقة أكل))طبعا يكون مركز..
وأضيف عليه ملعقة وسط عسل سدر+ملعقة صغيرة زيت سمسم+قطرتين ليمون((عشان تضيع الطعم شويه ..ولو إني أشوف مافي شي يطير ريحة زيت السمسم المعفنة))

خلاص قلبيه لحد مايذوب فيه العسل تمام وأسقيه لولدك...دااااافي
مرتين أنا أعطيه لبنتي..مره على الريق..ومره قبل النوم.....

أنا أسوي الأشياء إللي كتبتها لك يوميا والحمد لله ممتازة وتريحها قبل النوم...


جربيها وراح تحسي بالفرق من أول يوم....






والله يشفيلكم أولادكم ويخليهم لكم..

((أنا كتبت هذا الرد في مواضيع إحدى الأخوات..بس فكرت وقررت أنزله في موضوع لوحده عشان الكل يشوفه ويستفيد منه))


أختكم
ريريتا
أم جوانا...

اه من الكحة تذبح اعرفها
عسى الله يشفيك
بصراحة لازم دكتور يشوفك حاولي تروحين المستشفى في اقرب وقت

انا فيني كحه وهدت لاني اشرب دوا والم البلعوم خف لاني قبل لا اانام اتغرغر بموية حاره وملح

أنا جربت اللبان المر + كوب يانسون !


ولله الحمد نظف صدري

كنت أحط كسرتين لبان في علبة صحة صغيرة وكل شوي أزيدها لا خلصت


الله يشفيك أختي و يعينك الكحة تكرهك في نفسك