أول شي ياقمر
كم عمر طفلك ؟؟
ثم هل أنتي تشغلين المكيف على الحار ؟؟
إنتبهي غذا الكحة فقط عند النوم فإحتمال تكون حساسية من شيئ في الغرفة أو اللحاف
أغسلي لحافه وغيري مفارشه وإذا سريره تحت الشباك غيري مكانه لأنه الشباك ينزل منها هوا
شغلي لهم دفاية الزيت فقط ولا تقفلين باب الغرفة خليه موارب يعني لا مسكر ولامفتوح نص نص
إلا إذا الدفاية حجمها صغير والغرفة واسعة فعادي سكري الباب بالأضافة الدفاية أنا ما أسكرها أبد
خاصة غذا الغرفة شمالية دفاية الزيت تشتغل ليل نهار لين يجي الدفا
بس اهم شي تكون نوعية كويسة جبسون مثلا والكهرباء عندك مضبوطة ومن غير توصيلات

فيه شراب للكحة ممتاااااااااااااااااااااا هو من اللبلاب والزعتر
وإسمه إيزيبان ممتااااااااااااااز بس إسألي حسب عمر ولدك
وهو ممتاز للصغار والكبار يوقف الكحة خلال ربع ساعة يعني إذا عمر ولدك مناسب
تعطينه منه قبل ينام مو تنتظرين لين ينام ويبدأ يكح

ونصيحة تأكدي من زيت السمسم لايكون ولدك عنده حساسية منه بعد ويصير هو أصل المشكلة وتفاقمها
لأنه كان عندي طفل لولا رحمة الله كان توفي بسبب السمسم وبعد ماكنت أدهنه لا كنت آكل سمسم
وطحينة وطحينية وأرضعه مادريت وكان يتعب وينكتم وكل شوي إسعاف وإحنا ماندري وين اصل المشكلة

ونصيحة لاتكثرين خرابيط واعشاب على عياالك تراهم مايستحملون
أوكي عندك عسل طبيعي حطي لك فنجال عسل طبيعي ويفضل تكون قارية عليه مع ملعقة عصير ليمون
أو تنقعي مرة وتنقطين في حلقه نقط إذا هو صغير 3نقط فقط
إذا هو كبير ملعقة صغيرة قبل النوم وثانية الصباح وثالثة المغرب
بس يكون المنقوع صافي مو ترجينه وتغرفين منه
لأنه بس نبغي الريحة مع شوي من الطعم

وإبعدي عن الحلتيتة ماتناسب الصغار ولا المرضعات سبحان الله مع أنها كويسة للحامل

عطيه يانسون وبابونج هاتي منتجات الضيافة أو رويال تلاقينها في كارفور زي أكياس اللبتون مريحة جداً
في الأستعمال حتى البردقوش والزعتر والقرفة كل ذولي متوفرات

والله يعظم لنا ولكم الأجر

اسأل الله العظيم رب العرش العظيم يجزاكن عن كل حرف نخلة في الجنة

ماقصرتن والله

اباخذنصايحكن بعينالاعتبارللمرات الجايهلاسمح الله

الحمدلله ولدي خف بعدالبخاركتبه له الدكتور

وان شاء الله مايحتاجه مره ثانيه

ولدك داخله البرد دهني باطن الرجل بفكس ورشي شوي مسمار (قرنفل)مطحون ولبسيه شراب
ومايشوف الا العافيه
هاذي الطريقه ماشاء الله حتى الزكمه توقفها على طول

فعلا داخله بردوالدكتور قال معه حساسيةبالصدر

ابعد عن البرد وعن العطور القويه البخور

والبارح كب تولة دهن قويه مره على ملابسه الله يصلحه ومن وقتهاحسيته رجعتله الكتمه تعبني معاه الله يعين

عمره سنتين الله يحفظه بس حركاته كثير مايريحني ياربالجنة

ابستخدم بعض الطرق الي ذكرتوها ان شاء الله والله يشفيه

سوي زي ماقالو البنات
وعطيه دواء ( سولان ) خاص بالكحه
لمدة ثلاث ايام واسئلي الصيدلاني عن الكمية الدواء هو خمس ملي او اثنين ونص ملي وشوفي وش يقولك
بس تاكدي انه ماعنده لوز
شوفي اذا هي بس المشكله في الكحه عطيه سولان

انا اولدي كذا بس اذا اوجعته اذنه و وكحه وحراره معناته انه لوز الي عنده
لكن اذا كحه بس والباقي اهون خلاص عطيه سولان

وان شاءالله يتعافى

ايه صح تذكرت عطيه بخار مع سولان البخار ممتاز بس عطيه لمدة كم يوم وبعدها عطيه محلول الي هو محلول زي الماء بدون الفولتارين او الكيرتيزون الي يجي عل شكل معين هذا ماانصحك تعطينه الا بس حق يومين فقط لان فيه نسبة كرتيزون ومو كثير كويس الا بنصيحة دكتور وبس يومين مااتكثرين منه على كلام الدكتور فقط