الحمد لله لقيت علاج لكحه الحامل مع اني فقدت الامل انها تروح مني تعبتني حيل لدرجه اني ماعاد صرت اطلع والنوم عاد عذاب مع الكحه
وكل مارحت لدكتور قال اول ثلاث شهور مانقدر نعطيك اي علاج وصرت اعالج نفسي بنفسي اخذت شراب من الصيدليه (بروسبان ) وخلصت القروره والكحه تزيد ماتنقص
واخذت وصفه البنات من النت البان الذكر نقعته بمويه وشربته حسيت اول يوم تحسن بعدين رجعت
قلت خلني اروح عند استشاري صدريه بالحبيب واخذت موعد ورحت له تخيلو انا رحت وانا متوقعه يقول مالك علاج الا بعد ثلاث شهور من الحمل طلع بالعكس او ماحط السماعه قال اناي عندك حساسيه وكتب لي ع بخاخ قال خليه مرتين باليوم و لمده شهر قال حتى لو راحت استمري عليه وامن جدا ًللحامل مامنه ضرر بإذن الله وقال منه نوعين 125 و250 قال الحامل تستخدم 125 اخف لها بنات لو اقولكم سحر ماراح تصدقون مشاء الله من اول بخه خفت عني كثير واليوم الثاني تقريبأً تشافيت والله والله اني صادقه وماكتبته لكم الا ابي اجر من الله ودعوه صادقه
اسمه seretide125
سريتايد بخاخ وهذي صورته
. ماكتبت الموضوع الا لمعاناتي من الكحه خصوصا في الحمل واكيد كثير من الحوامل يشتكون من الكحه ف ان شاء الله يستفيدون زي ما استفدت :):)
دعواتك لي ربي يرزقني الحمل السليم هذا الشهر