خواتي حبيباتي
هادي طريقة الكراويا المعتمدة عندي من حوالي التلات سنوات والكل بسألني عن طريقتها
وطبعا انا عملتها وصورتها الكم بمناسبة ولادة اختي وقومتها بالسلامة
الحمد لله رب العالمين
الله يرزق الجميع بالحمل السليم والذرية الصالحة البارة التقية يا رب العالمين ... اللهم آميييييييييييين
نبدأ على بركة الله
بسم الله توكلنا على الله
المقادير
8 اكواب ماء القرفة ( بجيب عيدان القرفة وبحط عليها مي وبغليها على نار هادية لمدة طويلة حتى تصير لون مية القرفة غامقة كتير وهادي سر النكهة الي فيها )
كوب سكر
كوب رز مطحون
4 ملاعق اكل كراويا مليانات
معلقة صغيرة يانسون ( بس انا كان خالص من عندي فما حطيت وعادي نفس النههة بس اليانسون مفيدة وبتعطي نكهة خفيفة)
الزينة وهي عبارة عن المكسرات ( انا حطيت جوز وجوز هند ولوز ونقعت اللوز بماء الزهر وبتقدري تحطي الي بتحبيه وممكن فستق حلبي او اي مكسرات بتحبيها )
وهادي صورة مية القرفة شوفوها قديش غامقة ( انا باستمرار بخليها تغلي عالنار واهم شي لما استخدمها لاعمل كراويا ما تكون سخنة تكون دافية او عادية حتى ما يكبتل الرز)
وهلأ في طنجرة بنحط مية القرفة
وبعدين الرز المطحون
وبعدين السكر
وبعدين الكراويا
بعني باختصار عسولات بحط المقادير كلها مع بعض وبحركهم مع بعض بالمعلقة الخشبية وبحطهم عالنار
وبعدين بظل احرك بالمعلقة حتى تتخن بتسمك وبتصير كثيفة
وبخليكم مع الصور حبيباتي
ولا تردو عالموضوع بعد اذنكم ...الله يسر امرك ويهدي بالكم الا لما اكملو يا قمرايات
هلأ بعد ما تسمك بتسكبيها بالصحون الي بدك تقدمي فيهم
وبتزينهم بالمكسرات الي عندك والي بتحبيها
وبتقدري تاكليها سخنة او باردة بس انا بحبها سخنة خصوصا مع الشتوية ....مممممممم :)
وان شاء الله تعجبكم وتحبوها
وبخليكم مع الصور
صحتين وعافية وبالهنا يا رب
الله يعطيكم زي ما بدكم واحسن ويرزق الجميع بحق لا اله الا الله
ادعولي كتيييييييييييييييير ومن قلبكم :26::26: