الكراويه

المغلي أو (الكراوية)

المقادير:

- كوب رز مطحون (تجديه بالسوبرماركت بجنب الطحين عادة) ولونه ابيض نقي مطحون مثل البودره.
- 7 أكواب ماء
- ملعقتان كبيرتان(ملعقة طعام) كراوية مطحونه ناعمه
- ملعقة ونصف (ملعقة طعام) قرفة مطحونه ناعمه
- ملعقة كبيرة (ملعقة طعام) غير طافحة يانسون مطحون ناعم
- كوب وربع سكر أو كوب ونص سكر خشن (حسب الرغبة السكر)
وحتى البهارات حسب الرغبة انتي ذوقي طعمه بعد ما تخلطيهم مع بعض واذا حسيتي بحاجة لشيء نكهته تكون اكثر زيدي على حسب الذوق.

الطريقة:
تخلطي جميع المقادير مع بعضها وتذوبي البهارات كويس والرز كويس بالماء بعدين ترفعيهم على النار وتحركي باستمرار وباتجاه واحد حتى تغلي ويجمد بس لا تخليه جامد مثل صبة الاسمنت :) خليه مثل الكاستر جمودته وصبيه بكاسات وبالهنا والعافيه :)

وطبعا تزيينه يكون بتزيين كل كاسه بجوز الهند والمكسرات اللي منقوعه قبل بالماء مثل الصنوبر والفتسق الحلبي المنقوع بالماء والمقشور وايضا اللوز المقشور والمنقوع بالماء.

وصحتين وعافيه



-

طيب شو هيه بهارات الكراويه؟لاني انا بامريكا ما بعرف من وين اجيبها .
وليش المكسرات منقوعه بالماء ؟ يعني ما بنفع زي ما هي؟

وبعدين في هون طحين الرز يعني هو هاد الي بتحكي عنه؟

والله ما بعرف بالنسبة للكراوية شو بسموه بالانجليزي
بس هو كذا اسمه (كراويه) ازا عندكم مطاحن او محلات عربية بتبيع بهارات لا بد يعرفوه، وترى المغلي او الكراويه ما ينفع بدون هالبهار وريحته حلوه.
وبالنسبة للرز المطحون يمكن بيسموه طحين الرز المهم هو لونه ابيض وبيكون نااعم على الاخر.
وبالنسبة للمكسرات ليش منقوعه والله هذا اللي طول عمرنا بنعرفه عن طريقة مكسرات هاي الاكلة يمكن عشان ما تطلع المكسرات قاسيه كتير يعني اللوز ازا ما نقعتيه بالماء بيكون قاسي شوي فيكي ازا مو حابه تنقعيه بتقدري انك تبشري اللوز بيصير شرائح بس برأيي النقع اطيب طبعا بتنقعيه بماء بارد وبتخليه بالتلاجه لحد التقديم لما تيجي تقدمي بتحطي على الكاسات جوز الهند والمكسرات

يا رب أكون أفدتك

يسلمو ايديك وجزاك الله خير