الكره حينما ينبع من القلب >رواية أميرة وعادل .. رووووعة

بسم الله الرحمن الرحيم


(الجزء الأول)










‏<‏ الكره حينما ينبع من القلب >





هذه القصه تدور أحداثها على اسره سعوديه



تسكن في الرياض




حالتهم الماديه جيده




افراد العائله





عبد الله وهو رب الاسره وصاحب المنزل



لطيفه وهي الأم المسؤله عن هذه الاسره




فارس الأبن الأكبر تخرج من الجامعه



وأشتغل في مؤسسه حكوميه



وطبعه حاد وعصبي





فواز أصغر من فارس وعكسه تمامآ هادى جدآ تخرج من الثانويه من ثلاث سنوات



وجالس في البيت لأن نسبته



ضعيفه




وفوز البنت المدلله عند أمها



تدرس في الكليه في المستوى الثالث





في يوم دخل ابو فارس البيت



وهو مستعجل




الاب : لطيفه قومي ساعديني بحضر شنطتي



لطيفه : وين ياحسره




ابو فارس :وإلا اقول نامي أحسن



انا رايح لسوريا بشيك على حلالي




ويطلع ومعه شنطته



لطيفه : انتضر كذا بتروح وعيالك ماودعتهم




ابو فارس : ماله داعي كلها اسبوع وجاي



مع السلامه




ويطلع وتروح ام فارس تكمل نومها




طلع فارس من الدوام وجاب أخته من الكليه




ودخل كالعاده معصب ويصارخ



فارس : يمه يمممه وينك




لطيفه : خير وش تبي ليش تصارخ




فارس : وين ابوي أبيه بسرعه



لطيفه : ابوك سافر سوريا




فارس : لايكون بيتأخر هناك



لطيفه : يعني اسبوع




فارس : بس أنالازم اكلمه




لطيفه : وش صاير



فارس : فيه رجال جاني المكتب وسألني عنه وكان مصر إلا يبي يشوفه




لطيفه : وش يبي




فارس : ماأدري رفض يقولي



والغريب أنه يقول انه ماشاف ابوي ولايعرف شكله




لطيفه : قلبي يقول أنه عنده



شي مهم



رح اتصل على أبوك قله عن الموضوع




فارس : أن شاء الله




ويمسك فارس جواله بس للأسف كان الجهاز مغلق




فارس : خليه بعد شوي أتصل




لطيفه : الله يعيني على هالشايب



إذا شاف هالسوريات




وبعد ماأتغدوا أتصل فارس على ابوه




فارس : هلا يبه كيف حالك



الاب : بخير انا الحين في سوريا




فارس : الحمد لله على السلامه




الاب : الله يسلمك




فارس : يبه فيه رجال يسأل عنك يبي يشوفك ضروري




الاب : من هالرجال




فارس : اول مره أشوفه




الاب : ماعليك لما ارجع أشوف الموضوع




فارس : خلاص بكيفك



الاب : مع السلامه




أنتهت المكالمه وفارس محتار




وش يبي هذا الرجال من ابوه




بعد أسبوع






رجع ابو فارس وراحو يستقبلونه في المطار





فارس وفواز: الحمد لله على السلامه يبه



الاب : الله يسلمكم





ويركبون سيارة فارس ويروحون للبيت




لطيفه: هلا يابو فارس



فوز : نورت البيت يبه




ابوفارس : شكلكم مشتاقين لي



فوز : ليه ماأخذتني معك




الاب : مره ثانيه



فارس : ماعندنا بنات يدجون في سوريا




فوز : وش دخلك الله يخلي لي ابوي




فارس : انكتمي لأقوم اكفخك




ابوفارس : خلاص بعد تهاوشون قدامي




وتقوم فوز تروح لغرفتها




فارس : يبه الرجال وش بتسوي معه




الاب : انت وش فيك مهتم




فارس : الرجال كل يوم يجيني في العمل




الاب : خلاص عطني رقمه




ويعطيه فارس الرقم




ابوفارس : هلا أخوي انا عبد الله الي تدور عليه




وتواعدوا في مكان عشان يتكلمون




وراح ابو فارس يرتاح بعد السفر




..........