وبه نستعين ..
الموضوع ده أنا كتبته لعيون راجيه عفو ربها وعزيزاتي محبات الكروشيه ...
وبصراحة أنا كنت في الأول جاهلة تماما فيه لحد ما جربته واشتغلت قطعة صغيرة بيه .. وكان مشروح أول سطرين ففهمت الحكاية ..
المهم مطولش عليكم .. الفيليه عبارة عن مربعات فاضية .. ومربعات مليانة ..
المربع الفاضي يرمزله بالرمز
وهو عبارة عن عمود ، 2 سلسلة، عمود (كما هو موضح بالصورة)
ودي الطريقة بالفيديو http://www.anniesattic.com/stitches/filet_crochet/videos/End_Mesh.html
أما المربع المليان يرمز له بالرمز
أو رمز المربع الأسود ، أو مربع وبداخله دائرة سوداء
وهو عبارة عن 4 أعمدة متتالية
ودي الطريقة بالفيديو
http://www.anniesattic.com/stitches/filet_crochet/videos/Block.html
ولحد دلوقتي اتعلمنا إن الفيليه عبارة عن مربعات فاضية ومربعات مليانة
المربع الفاضي عبارة عن عمود ، 2 سلسلة ، عمود ..
والمربع المليان عبارة عن 4 أعمدة
ده كلام مبدئي .. لكن أثناء الشغل حيبقى في كلام تاني ..
وغالبا ما يبدأ الشغل بسلسلة بطول أو عرض العمل .. وبعدين نبدأ بعمل المربعات سواء فاضية أو مليانة..
وإن شاء الله حعرض تطبيقات بسيطة لكل مرحلة .. وفي النهاية مجموعة كبيييييرة من الباترونات .. لحد ما تشبعوا .. مع إني عارفة إنكو متشبعوش باترونات ;)
المهم لو عجبكو الموضوع نكمل على بركة الله .. :27:
كل شيء منك جميل وبيعجب
كملي الله يخليك