الكريم الله يزيده ويغنيه والبخيل ينفقر ويهلك وحياته مافيها بركة قصصكم

كلامك درر ...سبحان الله ... فعلا ( ما نقصت صدقة من مال , بل تزيده , بل تزيده ) اللهم صل وسلم على الحبيب محمد
الكريم كثييير صدقه عشان كذه ربي يبارك له في ماله وفي حياته وذريته ...

موضوع حلو
أنا رائيي خير الأمور اوساطها
لا اله الا انت سبحانك اني كنت من الظالمين

انا اعرف بنت كان معاها مبلغ من المال 
و كانت تفكر في جوال بلون معين 
و احتاجت امها 
المهم فضلت امها واعطتها المبلغ 
بعدها بليلتين جتها هديه 













صح عليكم نفس الجوال اللي تبغاه بنفس اللون والموديل 
هههههههههههه 
سبحان الله ما اكرمه 

صدقتي بكل كلمه قلتي لها 
أمي دايم تتصدق وتكرم وتعزم ووتجيها الفلوس من هنا تدفع 600والله العظيم تجيها3000من اخوي او اختي او احنا او ابوي الله يطول بعمارهم يعني ماهي مره او مرتين كثييير تصير لها الله يرزقها رضاه وفردوسه الاعلى من الجنه ويخليها لنا واحيانا تدفع 3000 لناس محتاجه واقول في نفسي سبحان الله اللي خلا الفلوس في قلبها ولاشئ فجاه يجونها اخواتها واخواتي في سهره او مناسبه وتجيها هدايا تعدى اللي دفعته وزياده
وزياده احنا يابناتها نجيب لها هدايا وفلوس  كانه اجباري علينا ومع ذلك تحلف منها مثل لو فلوس فنضطر نخليها في حاجه تستفيد منها ...
 الحين اجيب لها اشياء كانها لي يكون عندي فلوس قليله مثلا500 احطها في حاجه لأمي وانا كنت ابيها لي واذا جبتها لامي على طول يعوضني زوجي ربي يخليه لي ..
وحده من اخواتي اثثت مجلس الرجال والحريم ب50 الف سبحان الله سخرنا لامي 
وأمي مبسوطه عندها خير ولاهو تطلب منا شئ وفوق ذلك اقمشة ملابسها وملابس البيت اغلبنا نجيبها لها ربي سخرها للفقراء واحنا سخرنا لها 
الله يحفظ لنا حلوة اللبن ويارب يمدها بالصحه والعافيه وطولة العمر في طاعته

وبالنسبه لي انا 
اول ماتزوجت كانت ظروفنا مره سئيه اقصد الماديه والمشكله اكتشفت ان زوجي وهو عزابي يحول أغلب راتبه لاخوانه واهله وزوج اخته يعطيه وفوق ذلك باع له سياره حتى يساعد اخوه في زواجه وجلس بلا سياره وهو عزابي
وهذا الكلام قبل19سنه يعني فوق100 الف اللي اعطاها اهله 
وتزوجنا ولا اخذ منهم ولا من الجماعه معونه وهي مبلغ يساعدون العريس فيه رفض يقول ما ابي اضيق عليهم الله بيرزقني 
وكانت ديون زواجي فوق 60الف  وصحيح اثث اثاث حلو للبيت واخوه اللي باع زوجي  سيارته ب35الف لاجل يساعده في زواجه طلبه زوجي منه مبلغ نتمشى فيه ايام زواجنا فقط اعطاه2000 ريالين وفوق ذلك مازعل عليه يقول بيرزقنا ربي في غنى عن اخوي وفلوسه
لكن الراتب يستلمه يروح للديانه وكنت اتعب نفسيا من أجله ويحب اخوانه مايبيهم يحتاجون شئ طبعا اغلبهم موظفين لكن سبحان الله يطلبونه
وتمر الايام والسنين وزوجي لازال يسدد في ديون وبين فتره وفتره يطلبونه وعلى فكره مايردونها له ابدا 
ومره احتاج من اللي باع له سيارته 3000حتى يشتري اسهم كانت نازله وردها له ولارفض بلعكس اخذها يقول حقتي .....
وربي بارك في راتب زوجي واعطوه سكن وبدأت احوالنا تزين وبعدها جت لنا ارض منحه من الحكومه واشترينا جنبها ارضيه حتى نوسع بيتنا ويكون في حوش 
وبدأنا نبني والحمد لله خلصناه وسكناه وله الحمد والرضى وقبل ايام اشترى زوجي سياره قيمتها فوق220الف جيب لنا والحمد لله ربي وسع عليه وهو الان افضل اخوانه في كل شي معا ان فيها اعلا منه رتبه لكن تذكرت كرم زوجي مع البعيد والقريب واشوف حب الناس له 
الله يخليه لنا ولعياله ويعتبر صمام الامان لاهله دايم يحل  مشاكلهم وهو اصغرهم
الله يشفيه ويمد في عمره على طاعته ولا يغير علينا ويحفظ نعمه ومن الزوال 
ادعوا له ربي يشفيه من تعبه ......
ملاحظه قبل أمي وزوجي ابوي تاج راسي هو الكرم براسه والله فاتح عليه الدنيا ربي يثبته ويكرمه وحتى يلقاه
تصدقوا يابنات وربي بيكرمكم ويرزقكم
وآسفه اذا طولت عليكم

...