&& الكسكسي && باللحم والخضار

السلام عليكم بنات

اليوم جايبه لكم طريقة سهلة وحلوه حق الكسكسي هي اصلا اكله تونسيه على مغربيه بس انا يعني الحين :27: سويتها بحرينيه هههههههه المهم بنات يعني الطريقه بتستوي بالبهارات البحرينية يعني

المقادير تكفي لشخصين

مقادير المرق :
نص كيلو لحم غنم او خروف مقطع ومنظف جيدا ومقطع قطع متوسطه
2 كوسا مقشره ومقطع قطع كبيره
2 جزر مقشر ومقطع قطع طوليه او متوسطه

فاصوليا
قرع ( يقطين ) تقريبا ست مكعبات قرع او اشكثر تحبين حطي
ماء
4 حبات طماطم
3 ملاعق طعام معجون طماطم او اكثر بكيفج اذا تحبينه وايد زيديه
ليمون اسود واحد
بصله كبيره مقطع قطع صغيره
نص ملعقة طعام ثوم وزنجبيل مطحونين
قرنين فلفل اخضر حار
شوي كزبره مفرومه خضراء
ملح + كركم+ فلفل اسود + فلفل احمر+ بزار + سنوت + كزبره ناشفه مطحونه
الملح طبعا حطي على حسب رغبتج اما باقي البهارات حطي من كل نوع نص ملعقة شاي صغيره ،،، واذا حبيتي تزيدين الفلفل انتي بكيفج
بنطبخ الصالونه (المرقه) في طنجرة البخار ( الكاتم)
الطريقه : اكشني البصل بالزيت مع الثوم والزنجبيل المطحون واضيفي جميع البهارات واضيفي اللحم وابتدي بالتقليب ،،، لما تشوفين اللحم شوي تغير لونه حطي كل الخضروات عليه ،، وقلبيه وحطي جميع المقاديره المذكوره مع الليمون الاسود ولاتنسين شي وبعدين اغمري اللحم بالماء انتي شوفي اشكثر تحبين ماي حطي لو تبينها سائله زيدي الماي اذا تبينها شوي ثقيله خفففي الماي ... وسكري الغطاء حق طنجرة البخار وخليهم على النار حاميه لمدة عشر دقايق بعدين سوي النار متوسطه ،، وخليهم تقريبا نص ساعه بسسسس،،،، عقب صكي النار .......

طريقة الكسكسي ::
شوفو بنات انا ماعندي طبعا طنجرة الكسكسي هذي مايبيعونها في ديرتنا ،، شريت انا علبة الكسكس وسويته بالمكرويف ...........<<<<<<<< معروفه بهالشي كلشي ادعسه بالمكرويف

انزين شوفي اختي المقادير
2 كوب كسكس
ملعقة طعام زبده
ماء او مرقة دجاج ماجي مسبق الطهو
ملح ، فلفل اسود نص ملعقة شاي، فلفل ابيض نص ملعقة شاي

الطريقه
اخذي وعاء بلاستيكي حطي الكسكسي والملح والفلفل ،، وصبي عليه مرقة دجاج ماجي مسبقة الطهو او ماي ،، حطي تقريبا ثلاث ارباع كوب ماء او كوب كامل بحيث الكسكس يكون مغطى بالماء لكن مو مغمور عشان مايستوي معصود ،، اتمنى فهمتو قصدي ،، يعني غطيه بالماي لكن لاتغمرينه وايد يعني الماي مايرتفع عن الكسكس خليه بنفس المقاس
وغطيه بنايلون وحطيه بالمكرويف يعني تقريبا عشر دقايق والله انا ماشفت التوقيت اشكثر لاني اصك المكرويف وافتحه اشوفه استوا او لا اذا يبيله شوي سوا اخليه بعد فتره كم دقيقه عقب اسكر المكرويف،، بس يعني لازم حبات الكسكس تكون منفوخه والماي يكون نشف ،،،
الحين قدمي المرق في زبديه بجانب الكسكس
وبالهناء والشفاء