الكشري المبتكر بنكهه جديده والطعم لذييييذ يستاهل التعب . مصور طبعا !!

السلام عليكم يا غاليات

جبت لكم اليوم وصفه الكشري لا تقولون قديمه لا...

كشري مبتكر بنكهه جديده للتغيير عن الوصفه التقليديه ممكن نقول كشري كويتي !!

اولا شوفوا الصوره واذا عجبتكم جربوا سووها بس فيها تعب شويه ما يخالف !!





هاه عجبتكم ؟؟؟؟

تفضلووا المقادير :-

2 كوب رز بسمتي حبه طويله + 2 كوب عدس اسود ( مجدره ) + 1 كوب شعريه

+ 1 كوب مكرونه صغيره معكوفه + 1 كوب مكرونه بشكل اعواد صغيره او اي

شكل ثاني

4 حبات بصل ابيض + 4 فص ثوم + فلفل اخضر حار الكميه حسب الرغبه وكلما

كان حار الطعم بيكون ألذ

ملح - فلفل ابيض - كمون - كركم او صبغه الزعغران

بهارات صحيحه ( دارسين + هيل + مسمار )


الطريقه :-

1- يغسل الرز وينقع ربع ساعه ثم يسلق في ماء مغلي مع الدارسين والهيل

والمسمار والفلفل الاخضر الحار ..نص سلق ثم يوضع بالمشخال ويرش بماء بارد

2 - يغسل العدس وينقع بماء دافي ربع ساعه ثم يسلق بماء مغلي مضاف له

ملح + كركم ثم يصفى ويرش بماء بارد

3 - يسلق كل نوع من المكرونه على حده مع ماء + ملح نص سلق ثم يصفى

ويرش بماء بارد

الله يعينكم على غسيل كل هالمواعين بعد ما تخلصون واذا عندك خادمه الله يعينها !!


:3_13_12:


4 - عندما يبرد الجميع اخلطيهم مع بعض في مشخال كبير ..

5 - قطعي البصل شرائح واقليهم بالزيت الغزير حتى يصير اللون بني وبعدين رفعيه

من الزيت واخلطي معاه ثوم مقطع شرائح + ملح + بها رابيض +كمون ويقلب

ناخذ نص الكميه للزينه فوق الكشري او تخلينهم على جنب ..

ونص الكميه اخلطيها مع العدس ..

6 - في القدر نحط بالقاع شويه من خلطه العدس ثم خلطه الرز والمكرونه

ونكرر العمليه حتى يخلص المقدار .. بعدين اخلطي الكل بالملاس وخليه على نار

هادئه حتى يتسكر ربع ساعه بعدين حطي قطع زبده على الوجه .

عند التقديم حطي شرائح البصل على الوجه او لوحدهم ..



وعليكم بالف عافيه