صباحكم مساؤكم معطر بأجمل الورود والرياحين
بدخل على طول في التفاصيل المفيدة
دلوقتي انا هقول كل المقادير ونيجي للصور خطوة بخطوة
انا استخدمت...
كيس مكرونة صغيرة (400 جرام)
3 كوب ارز (مصري او بسمتي)
نصف كيس شعرية صغيرة (200 جرام)
2 كوب حمص شامي مسلوق (الكمية حسب الرغبة)
كيلو بصل مقطع جوانح
حبة ثوم
خل (للدقة)
كوب عدس بجبة (عدس اسمر)
نصف كيلو طماطم مطحونة+ علبة صالصة جاهزة
بهارات (كمون + كز برة ناشفة + شطة حمرا + ملح)
يلا نبدأ الطريقة بالصور
اول شي نسلق الحمص الشامي في ماء
ع الشعلة التانية نحط طاسة (مقلاة) وفيها زيت غزير ونقلي البصل
ع الشعلة الثالثة نسلق المكرونة في ماء مغلي نضع فيه معلقتين زيت من زيت القلي وملح
بعد ما تستوي المكرونة نصفيها ونحطها على جنب
دلوقتي التقلية جهزت نحطها في منشفة مطبخ عشان نصف الزيت منها
بعدها ناخد الزيت المستخدمة في القلي ونحمي بيه الشعرية (بس نسيب شوية للصالصة)
بعدها نضيف الرز المغسول والمصفى والماء المغلي والملح .. ونتركه على نار هاديه جدا ليستوي
بعدها ناخد بقية الزيت ونحمر فيه عدد معلقة كبيرة ثوم مهروس مع ملح وكز برة ناشفة وكمون ونحمرها ونضيف الصالصة والطماطم المخلوطة لحد ما يتسبكو
بعدين نسلق العدس بجبة مع ملح وكمون وفص ثوم ونهدي النار عليه لحين السواء ..
طريقة عمل الدقة الحارة
معلقة ثوم مهروس جيدا + معلقة كمون + ربع معلقة كز برة ناشفة + معلقة شطة (حسب الرغبة ممكن اقل) ملح + خل
نضع جميع المقادير في زجاجة ونرجها جيد ويفضل لها فتحات او في كوب اذا لم تتوافر زجاجة
يتبع ...2
تاني طبقة رز بشعرية
ثالث طبقة الصالصة الحمرا (اختياري في ممكن تحطوها في طبق لوحدها)
رابع طبقة عدس بجبة (نسيت احطة ) هههههههههههههههه
خامس طبقة حمص شامي
سادس طبقة التقلية ع الوش