.
السلام عليكم ورحمة الله وبركاته..
طبعا عدنا طرق عدييييدة للكشري ولكل وحدة وذوقها..
هاذي طريقتي فيه وبصراحة يطلع حلوووووووووو ولذيذ..
وعيالي من محبيه..
المقادير..
نص كيس معكرونة أي نوع مفضل
2 كوب رز مصري أو عادي حبة طويلة كله يمشي :)
كوب عدس الكشري أو أقل شوي
ملح - فلفل أسود - كمون
للصلصة:
طماطم مفرومة
صلصة طماطم
فص ثوم
شوية سكر
شوية خل
ماجي ملح وفلفل أسود
بصل محمر للزينة
الطريقة:
1- نقلي البصل لحد مايتحمر وكل ماتحمر أكثر كان أحلى..
2- نسلق المعكرونة بماي وملح وزيت..
3- نسلق العدس مع ملح وكمون.. ونترك قليل من الماء الخاص فيه لسلق الأرز..
4- نحمر القليل من الشعيرية ونتركه جانبا..
5- نسلق الأرز بماي العدس مع اضافة ماء عادي بس عشان يصير لون الرز بني فاتح شوي.. ونسلق معاه الشعيرية مع وضع القليل من البصل المقلي سابقا..
6- نحضر الصلصة.. نخلط الطماطم بالخلاط مع الماء ثم نحطها بقدر عالنار.. نضيف الصلصة والثوم والماجي والفلفل الاسود وبالنهاية شوية خل وسكر.. والسكر عشان يحد من حموضة الطماطم جربوه يطلع الصوص ألذ والله..
7- قبل التقديم نخلط المعكرونة مع الأرز والشعيرية.. ممكن مانخلطهم ونخليهم طبقات.. كل وحدة وراحتها.. وعليهم البصل والصوص..
وبالعافية عليكم..
.
