اليوم يا بنات سويت كشري
وهذي طريقته
لعمل العدس
لازم نكون مغسلين العدس ويكون منقوع ربع ساعه تقريبا
اول شي نحمر بصله متوسطه في الزيت
بعد ما تتحمر نضيف عليها كأس العدس ونقلبه معاها مع حبة ماجي وملعقتين كمون مطحون وملح
ثم نضيف خمسة كاسات ماء ونتركه على النار حتى يغلي
ثم نوطي النار ونخليه تقريبا عشرين دقيقه حتى نشوف حبات العدس انها استوت ثلاثة ارباع سوى
في الوقت هذا نسوي الرز
نكون منقعين الرز من البدايه
نحمس بصله صغيره في الزيت وقليل من السمن
ثم نضيف لها الرز ونحمسه معاها ونسويه مثل الرز المفلفل
انه استخدمت كيلة رز وحده
نتركه على نار خفيفه حتى يتحمر ويكون بهذا الشكل
ثم نضيف له كميه من البلاليط (الشعيريه )
ونحمره
ويكون بهذا الشكل
بعدين نضيف عليه العدس كامل مع ماء السلق
ونتركه حتى يتشرب الماء وينضج الرز على نار هادئه
يتبع
ونخليها تتسكر على نار هادئه
نجهز صلصه حمره
دقيت ثوم مع فلفل اخضر حار وحمسته في الزيت وضفت عليه مكعب ماجي وعلبة صلصه و3 طماط
مخلوط في الخلاط وقليل من الملح والكمون المطحون والدقوس
نحمر بصل في الزيت
وهذا شكل الصلصه بعد ما جهزت
وهذا الكشري
وعوافي على قلوبكم
ولا تنسوني من دعواتكم الحلوه