صباح/مساء الخير لكل من يقرا موضوعي..
رجعت لكم بطبق لزيز بعد تخرجي<<إيه نسيت أقولكم إني تخرجت ولله الحمد وعقبال الدراسات العليا والوظيفة..:arb:
<<<وش دخل هالفيس؟؟؟
طبقي اليوم هو كعك تركي تقدري تاكلية مع شاي أو عصير أو تحشيه جبن سايل بيكون ألذ وألذ...
مالكم بالطويله..
المقادير..
1كوب زبادي..
1كوب ماء دافئ..
1بيضه..
نص كوب زيت..
2م ك سكر..
1م ص ملح..
1م ك خميره فوريه..
دقيق ...
الطريقة..
تخلطين المقادير السايلة وتضفينها للمقادير الجافة وتعجنين بإضافة الدقيق حسب حاجتك له لحد ماتكون عندك عجينه متماسكة ماتلصق في اليجد وتتركينها تخمر..
بعد ماتخمر تكورينها كور صغار تقريبا بحجم البيض وتغطينه شوي وتبدين بشغل والصور توضح لكإن شاء الله..
تاخذين كورتين وتبرمينها وتلفينها على بعض زي الحبل مثل الصور.. وتدهنيها بدبس السكر وتقلبينها بسمسم
..
التغطية عباره عن دبس السكر ملعقه+ماء للتخفيف+سمسم..
وهنا لما غطيتها بالسمسم وصفيتها في التيفال..
بعد ماطلعتها من الفرن ياسلااااام على الرييييحه تدوووخ وإذا كنتي جوعانه بالذاااات وحشيتها جبن سايل يطلع ألذ وألذ ..:p
وبالعااافية على قلوووبكم...
وأبي أشوفها بقسم الأطباااق المجربة أوك...أي سؤال؟؟؟<<<مدرسة على غفلة خخ:22:
حقووووق الطبع محفوظه لغلا دنيتي الرجاء ذكر المصدر عند النقل الحاضر يعلم الغايب:30:
