المقادير
كيلو دقيق كويتي (بس انا ما سويت الكيلو كامل نقصت منه ربع ) يعني تسووا كيلو إلا ربع تقريبا كانت سبع كاسات دقيق او سته ونص
أربع بيضات ... كوب سمن سائل ..نص كوب زيت. كوب حليب سائل .. نص ملعقه خميره فوريه .. ربع ملعقه بكنج بودر . ملعقتين سكر .. نص ملعقه ملح ... نص ملعقه حبة البركه .. تمر معبوط
الطريقه
تسوي الأشياء السائله الحليب والبيض والسمن يكون سائل مو مجمد و تسوي الخميره الفوريه وحبه البركه والملح والسكر وتحركي بالمشبك اليدوي ثم تضيفي الدقيق والبكنج ع مراحل كلما ضفتي دقيق اعجني عشان لا تتكتل وضفت قليل زيت
المهم اعجنيها إلى أن تتكون عجينه متماسكه سهله التشكيل وتكون قاسيه نوعا ما قسمتها نصين وخليتهم يرتاحوا نص ساعه وهذا شكلهم بعد ماتخمروا
اثناء مايخمروا سويت التمر المعبوط اخليت التمر من النوى وجبت الصاج وقلبته بعصا خشبيه مع ملعقه سمن ورشة قرفه وهيل قمت بالتشكيل بعضهم حشيتهم تمر والبعض بدون تمر وهذا شكلهم بعد التشكيل صار لونهم ابيض مع فلاش الكاميرا
ثم دهنتهم بصفار بيضه وممكن ترشيهم سمسم 
الشكل إلي بالوسط جبت قطاعه وقطعتهم وسويت خطوط بالسكين ما عملت لهم تمر الكميه كامل 55 حبه وكانت ثلاثه صحون
تدخليهم فرن حار وتوطي الحراره إلى 180 او 200 من تحت ثم فوق وهذا شكلهم النهائي
ملاحظه الوصفة فيها بيضتين انا سويت أربع ولكم الخيار
السمن الي استخدمته روعه مكتوب عليه بنكهه الزبده اسمه مازولا رووعه استخدمي اي سمن عندك
وممكن تدهنوا الكعك بحليب بس تحميره صفار البيض احلى