بنتي من مواليد 6/1/1994
طالبة في ثالث ثانوي الله يحفظها
كانت تمتع بالحيوية والنشاط مثل اي بنت في عمرها
وفجأة بدت تحس بتعب
وزنها بدا ينزل بصورة عجيبة
ماصارت تشتهي تاكل
دايما تحس بتعب مافيها حيل الشباب
كلما رحنا المستشفى يقولون لنا شي
واخيرا وبعد التحاليل المكثفة والمنظار اكتشفوا ان فيها الكرونز
وهو مرض مزمن يصيب الامعاء
وهناك علاج للكرونز فيه منه حبوب وفيه ابر
الابرة تاخذها كل شهرين (الريموكيد)
وقبل الابرة لازم تاخذ ابرة كرتزون
بالاضافة الى حبوب Imuran ثلاث حبات في اليوم مدى الحياة ((يالله يارب تشفيها وماتكون بحاجة لها يارب))
المهم بعد الابرة الرابعة بدت تحس بتعب اكثر
وفي يوم دوام المدرسة كانت ريحة الصبغ قوية
ومنه جاها ألم قوي في صدرها عطاها الدكتور اجازة 3 ايام
ومازال الالم متابعها لين اليوم
وبدت تحس بالم في المفاصل
صارت تتعب بسرعة
اي ريحة قوية تاثر فيها وصدرها يعورها ماكانت هالشكل قبل لا تاخذ الابر
الحين في لندن سوينا لها فحوصات طلع عندها التهاب في الامعاء الدقيقة
ولازم يزيدون جرعة الدوا اللي تاخذها
وهذا يعني انها بتتعب اكثر من الاول الله يستر ويحفظها من كل شر
معورة قلبي وهي قاعدة مكانها
دعواتكم يا بنات الله يحفظها ويشفيها وترجع صحتها مثل ماكانت وافضل
اللهم آميين