سما الامورة :

مرحبا اختي حاولت ابعث لك هذه الرسالة على الخالص بس رصيدي من الرسائل لازم يستوف (50) رسالة ...... وكنت حابة كتير انها توصلك لهيك بعتتها في منتدي التغذية والصحة بتمني انها توصلك .ماادري اذا اجي كلامي هاد متأخر شوية بس انا الحين قرأت قصة بنتك الله يشافيها ... الله يارب يصبر قلبك لاني انا مجربة ومحروقة لما كنت بشوف بنتي بتموت قدامي من الالم وماني عارفة ايش اسوي لها ححكي لك قصة بنتي بتمني انها تكون مواساه لك .شوفي حبيبتي والله ما في اصعب من حسرة انسان الا حسرتة على ضناه........ ما بدي اطول عليك حقولك قصتي ...... ربي رزقني بطفلة حلوة كتير ومرحة وكلامها اكبر من عمرها..... لما كنت اتطلع فيها كنت اشوف حالي بيها احس اني مو مالكة الدنيا من فرحتي فيها ... ما انسي يوم ما سجلتها بالمدرسة لما نزلت انا وياها السوق نختار اغراض المدرسة لو انسي عمري كله ما انسي كيف كانت فرحانة بحاجاتها واغراضها ... وفي يوم رجعت ليه من المدرسة مو على عوايدها نامت على طول فقلت يمكن لوز او زكام معها ... وفي اليوم التاني على طول اخدتها على العيادة وعملت لها كل الفحوصات وطلعت كلها سليمة .. وبعد يومين بنتي بطلت تتكلم بطلت تنادي علي بطلت اسمع صوتها ... وبعدين شوية شوية انشلت بنتي بالكامل .والله يا اختي ما تتكلم ولا تاكل ولاتمشي ولا اعرف اذا هيه جوعانة او عطشانه..كانت جثة ومرمية بالبيت ما خليت دكتور ولا مستشفي الا وعرضتهم عليها حتى لشيوخ وديتها وعملت لها الرقية الشرعية وكان يجي شيخ يقرأ عليها قران ...... الشيوخ قالوا فيها جني موجود براسها لانها كانت تتالم لما كانوا يحطوا ايديهم على راسها ... بالاخر نامت بمستشفي عندنا بغزة 30 يوم ولما ما عرفو شو فيها كل تحاليلها سليمة ونسية دمها كويسه احتاروا فيها الدكاترة وحولوها على اسرائيل وهناك عملو لها رنين مغناطيسي والنتيجة كانت انو عندها التهابات فيروسية بالمخ .. المهم اعطوها ادوية وفاقت وما اوصف لك كيف شعوري لما نادت على من بعد شهرين وهيه ما تتكلم ........المهم رجعت بنتي تتكلم وتمشي والحمد لله .... بس رجعت ليه بعقل طفلة عمرها سنة ونص وانا عمر بنتي سبع سنوات .......كانت تعملها على حالها اكرمك الله وممكن انها تحط ايدها بالزبالة او تمسك اي شيئ ما تفرق بين المضر والنافع ......دايما تقعد مع حالها وتكلم مع نفسها كل شيئ بتحطة بتمها لدرجة اني مرة مسكتها بتاكل في زجاجة مرمية بالزبالة ........ رجعنا لدوامة الدكاترة والكل يقولي ليه شكل ....... مع انو هيه ما عندها ولا خلية ميتة بمخها وما عندها اي درجة من درجات التخلف العقلي ... بس بجد متعبتني وخايفة عليهالو غبت عنها شوية او سهيت عنها ممكن الاقيها طالعة وماشية بالشارع وما تدري وين وانت اعرف يا اختي بااولاد الحرام كتير ...... وخصوصا انها من بعد ما فاقت صار عندها افراط بالحركة مع قلة انتباه وتركيز يعني طول اليوم ما بتعقد بتفضل تمشي وتجري بالبيت ما تتعب وهلا هيه بتاخد ادوية لهادا الشي لحتي تهدأ حركتها شوية . .. حتى دواها مش دايما متوفر وغالي كتير واحنا حالتنا بسيطة ....والمشكلة يا اختى انو هاد المرض بيتكرر معاها وبيجيها على فجأة يعني والله ليه سنة كاملة ما عرفت طعم الراحة اذا عرجت شوية اقول يا الله رجع لها اذا طولت وهيه بتمضغ الاكل اقول يارب استر ..... وبتتعذب عذاب ما بعدة عذاب ....انا حبيت احكيلك قصتي عشان اواسيكي شوية واعرفك انك مو لحالك بهمك ..... لاني مرات بحس ان ما في حد عنده اللي عندي ولما بسمع قصص الناس بيخفف عني شوية ... الله يارب تشفي بنتك وبنتي الهم امين...... بس بالاول والاخير الحمد لله على كل شيئ

مرحبا اختي حاولت ابعث لك هذه الرسالة على الخالص بس رصيدي من الرسائل لازم يستوف (50) رسالة .........