فله يعطيك العافيه والله ماقصرتي افدتيني مررررررررررره ..

تدرين وش مشكلتنا مافيه وقت ناكل فطاير هههههههههههههههههه ..

غدانا على المغرب غالبا ..

بس والله الجو بارد شوي .. يعني الكورنيش ماوقفنا عنده ابد الا امس العصر بس عشر دقايق خخخخخ..


من جد للىن ماشريت ولا شي ..

الا عطور للمفارش من المباركيه مثل الي عندنا .. بس هم ارخص ..خذت خمس ووحده عطاني هدية ..

وشريت عطور من الشايع .. خذت 3 واحد احلى من الثاني بصراحه .. مع ان اسعارهمموب رخيصه ولا غاليه .. ويوم رجعت امس اعجبت اخواني .. ووتبقى ماتروح بسرعه .. قلت برجع آخذ زساده .. لانه برضه ماله فروع الا بحفر الباطن !


اليوم جمعه ووالحين نسمع الخطبه ماشاء الله من الشقة

يعطيكم الف عافيه انا بصراحه استفدت من الموضوع كثيييييير ..


واتمنى غيري استفاد بعد ..

يابختكم مشاءااااااااااالله امنيتي ازور الكويت

كل عام وانتم بخير ..


كاني وصلت الرياض ههههههههههههههه ..


خل اقولكم عن روحتنا بشكل مختصر للكويت ..


وصلنا الثلاثاء الساعه سبع لحدود الرقعي .. ومنها دورنا كذا شقه اللي قال غالي واللي قال مافيه اصلا ..
اتجهنا لارينزا تاور واللي مدحتها لنها فله .. وكانت بجد نظيفه بس موب فخمه للي يبون فخامه .. نزلنا عفشنا وغسلنا وصلينا .. وطلعنا ندور بالشوارع ..
رحنا لميس الغانم بنتعشى .. قالوا آخر اوردر الساعه 11 ..! رحنا لبرج الحمام .. تعشينا وكان حلو ماعليه ..

الأربعاء .. صحينا الصباح واتجهنا لمطعم مركز سلطان رحنا لجينز قريل .. نفطر البوفية كان ب 3 وشوي .. المهم اربعتنا ب 15 دينار .. بعد كذا رحنا للسالمية سيتس سنتر وماعجبني ابد الا بيجاماتهم ومع ذلك ماشريت لاني دولابي مليان .. طلعنا منه لسوق شرق ودرنا فيه بعدين رحنا نتغدى بميس الغانم .. وشفت ولد الجاسر اللي مثل مع زينب العسكري هو اللي جلس يطالعني ولا انا مانتبهت له خخخخخخخ يوم طاحت عيني بعينه الا هو ماغيره ..
بعدين والله ماذكر وين رحنا المهم اعتقد للفنار تمسينا شوي وبعدين دخلنا سينما فلم اكشن بس صار موقف لااخوي ضحكنا وقلبنا الفلم من اكشن لكوميدي حتى الحضور ماتوا ضحك معنا ههههههههههه .. بعدها رحنا لقراند كافيه ورى المارينا .. واحد من اخواني الله يهديه يبي شيشه :35:

الخميس .. قمنا ولا افطرنا بجينز قريل على اسا انه بنتغدى بدري بالمباركية .. رحنا وضيعنا شوي .. ومع الزحمه يالله وصلنا .. وصلنا درنا شوي خذت فقط عطور للمفارش هم ارخص بفرق .. وطلعنا نبي نتغدى لقيا مطاعم علىا لشارع وفيه مطعم داخل السوق ايراني خطير خطير خطير.. اسمه الوليمة طلبنا كباب مشوي ومشوي مشكل وحميسه ورز باللحم كل اكلهم حلو بصراحه .. وآخر شي طلبنا شاهي على الفحم حلو بس استكاناتهم ماش صغيره خخخخخخخ انا متعودة اشرب الشاهي ببيالة كبيره او كوب .. بعد كذا لفينا شوي بالسوق .. وشريت من عطور الشايع مجموعه احلاهم عطر أطياف خطيييييييييييير اعجب اهلي كلهم .. وخذت مجموعه ثانيه وخذت هدايا لعيال اختي ..
رجعنا بعدها مرينا كوفي .. تقهوينا .. وبهدها رجعنا للشقة نشوف مباراة الهلال والاتحاد .. كلنا طبعا هلالليييين خخخخخ .. بعد ماخلصت المباراة رجعنا لمطعم الصفدي شربت عندهم زنجبيل بالحليب كان حلو .. بعدها رجعنا للفنار نشوف فلم ثاني علىا لساعه 11 وكانت القاعه ملياااااانه بصراحه .. قبل الفلم مرينا لينتوتر تقهوينا واخنا بيتزا وشي ثاني مادري ايش .. ودخلنا الفلم وبهده طلعنا مرينا محل فطاير خذنا فطيرتين بس لنا يالأربعه خخخخخخخ ..

الجمعه .. قمنا ورحنا لجينز قريل وافطرنا .. وطلعنا للمهلب السوق حلو بصراحه .. خصوصا الاكشاك الي تحت حقت الاكسسوارات .. بعدها طلعنا للنقرة الشمالي وكنت بمر الجنوبي بس شفت الشمالي خاااااايس .. قلت موب لازم .. بعدين رحنا للمدينة الترفيهية خطيره بصراحه .. بعدين رحنا للمارينا .. طولنا شوي ولا شريت شي بعد .. بس اخوي وولد اختي تقضوا من زارا ومكس كان عندهم تخفيض .. وانا شريت نفس الكريم والسبراي اللي قالت عنهم فله لي ولصديقتي من صيدلية ( مادري وش اسمها نسيت هههههههه ) ..
بعد كذا رحنا لشوكليت بار .. وانهبلنا بالطلبات ههههههههههههههه .. طبعا كان زحمه ..وحجز واخذ وقت شوي .. بس كان مره حلو .. وطلباتنا كانت ب 18 دينار اعلى شي دفعناه من رحنا خخخخخخخخخخخخ ..
بعد كذا رجعنا للشقة كنا تعبانين من المشاوير حقت الشمالي و المدينة الترفيهية كانت بعيده .. غير الدورة بالأسواق .. ونمنا ..

السبت صحينا وافطرنا ببسكوت خخخخخخ على اسا نبي نتغدى بفريج صويلح .. وبعدين رحت لمجمع منيره في جنبة محلات جزم وشنط حطييييييييره بس غاليه شوي واعتقد عشان العيد يمكن .. بس شريت شنطه خرافيه كل اللي شافوها انهبلوا عليها .. بعد كذا للسالمية زوجة اخوي موصيتني عليها وطلعنا مرينا النايمين ورحنا لفريج صويلح وكان مره زحمه .. طولنا بالانتظار .. وتغدينا كان عندهم الجريش يجنن ومكبوس اللحم وبرياني الدجاج واللحم خالص طلبنا برياني ربيان وكان حلو برضه ..

طعنا من فريج صويلح واتجهنا للكوت بالفحيحيل .. خطيييييييييييييييييير .. صحيح مافيه شي ممكن ينشرى .. بس شريت من ميكس تيور عادي بس رايق .. كان مخفض عليه .. واخذته حوالي 250 ريال بعد الخصم .. وبعدين دخلوا السينما اخوي وولد اختي وانا واخوي الثاني رحنا تقهوينا عند النافورة واصوات الموسيقى الي تتحرك عليها شي حلو ..
بعدين طلعنا ندور على الأسواق اللي حوله .. بعد كذا رجعنا على الساعه 10 وبعدين رحنا لميس الغانم لانه بصراحه شي حلو .. طلبنا مقبلات وعصيرات .. وبعد كذا رحنا للمارينا كرسنت وجلسنا بكفي نتقهوى .. وآخر شي رجعنا للشقة ضفينا عفشنا ونمنا ..

صحينا الاحد .. سلمنا الشقة ورجعنا للمارينا رسنت افطرنا عند الخبز اليومي كان حلو مره .. ومشينا للرياض ..


وبس ..


غيرنا جو .. زادت اوزاننا هههههههههه .. ورجعت بشنطه وبوت وبلوزه وتيشيرت وعطور مفارش وعطور من الشايع .. فقط !!



رأيي عن الكويت :

ماتوقعت انها كبيره كذا اولا ..

كان الجو بارد ماستفدنا من الكورنيش ابد ولا البحر ..

المدينة الترفيهية حلوة ذكرتني بحقت مصر ..

المطعم اللي بالمباركية كان حلو بصراحه واسمة الوليمة ومو مع المطاعم ..

تشوكليت بار.. خطييييييييييييييييييييييير .. طلبنا فوندو وبراوني وكيكتين زياده ..

المطاعم اغلبها حلوة .. لكن ميس الغانم وفريج صويلح الافضل ..




كل عام وانتم بخير واعذروني اذا مارديت طالعه للمخيم بعد شوي ..:D



<<<< لاحظوا اني قلت مختصر خخخخخخخخخخخخخخخخخخخخ

يااااااااااااااااااازين الكويت ادوووووووخ عليهاااا:( ابغى ارووووح

حرووووووووووووه السييييل الحمدالله على سلامتكم وان شاء الله تكونون انبسطتوو هناك..

انا حالييااا بالكويت مارجعت للحين .. بس بصرااااااااااحه جوهم خطير مره برر يرد الروح مو مثل بردنا بالرياض يدخل جوه العظم..

بس بقولك شي انتي قلتي فطرتو يوم الجمعه بسوق مركز سلطان اللي على البحر وانا بعد كنت فاطره هناك الصباح لايكون انتي اللي معاك رجالين :P انا لفت انتباهي وحده معاها اثنين رجال وكنتم قبلنا ركبتو المصعد خخخخخخخخخخخخخخخخ

ان شاء الله تكونين هي عشان نكون تقابلنا بالسفره:P

انا بالنسبه لي سكنا ببودل بصرااحه مره مره مره حلووو اخذنا الجناح الملكي اللي هو 3 غرف نوم مع مطبخ وصاله وغرفه طعام و3 حمامات وغرفه شغاله .. مره كان حلوو ونظيف وفخم .. وطبعا النت عندهم بلاااش و24 ساعه شابكه اون لاين خخخخخخ بحلل قيمت السكن ... وبالنسبه للاسواق مارحت كل شي بس رحنا للمارينا والشرق والمهلب والافينيوز وسيتي سنتر((المعلم)) والمباركيه ومجمع زهره والفنار والبستان وليلى جالري ..
اما المطاعم رحنا لبرج الحمام مره حلوووووو ورحنا لونيتر مرتين من الشفاحه خخخخ لان المنيو حقهم غير المنيو اللي بالرياض ورحنا نينو كمان على البحر ومره حلوو وميس الغانم حلو عجبني بس مره زحمه ... ورحنا للمارينا كرسنت اكلنا بفرايديز وكافيه بلان واشاز الهندي وتشوكليت بار بس طبعا كلهم بايام مختلفه مو نفس اليووم :D:D
ورحنا فطرنا بسوق مركز سلطان على البحر مره كان حلووووووووووو وفطورهم حلو ويشبع وسعرهم رخيص بصراحه يعني ارخص من البوفيهات اللي عندنا بالسعوديه ..
ورحنا كويت اكورايوم اللي هي المركز العلمي بصراحه المكان حلو بس احنا رحنا له عشان معانا اطفال ولا هو مايستاهل تجلسين فيه اكثر من ساعه بس احنا جلسنا حول 4 ساعات عشان الصغار .. ورحنا ابراج الكويت طبعا طلعنا فوق احنا والسياح الهنوود هخخخخخخخ
بس اسم اننا رحنا برج الكويت.. وتمشينا على البحر صح ان الجو باااارد بس مايدخل بالعظام مثل الرياض يعني حلوو التمشيه فيه بالظهر على العصر .. الجو رايق يكون ..
وطبعا كل يوم تقريبا رايحين جمعيه السالميه احسهم كرهونا من كثر مانروح عندهم .. بس بصراحه حمعياتهم مخيسه مو مثل اللي عندنا بالرياض السوبر ماركت حقنا يفتح النفس عكس جمعياتهم المخيسه بصراحه ابد ماعجبتني ..
المهم بس ردي لي انتي اللي كنتي معانا يوم الجمعه ولالا ...