طبعا الكفتة المشوية من الأكلات المفضلة عند الجميع
واللي كمان مشاكلها كتييرة
احيانا بتنشف واحيانا مابتستويش من جوه
أو بتفك وما بتلزقش في السيخ
الطريقة دي في الأساس لمنال العالم وانا خدتها من عضوة اسمها مها
وزدت عليها شوية حجات
ربنا يرزقها بالذرية الصالحة عاجلا غير آجل
المقادير
نص كيلو لحمة مفرومة ملبسة (يعني فيها نسبة دهون)
بصلة مفرومة ومعصورة كويس التفل لوحده والمية لوحدها
نص كوب بقسماط+ نص كوب لبن سائل
ملح + فلفل أسود
الطريــقة
دا تفل البصل لو عندك (كَبــة) أو مفرمة العملية حتكون سهلة لو ماعندكيش المبشرة
حتديك نفس النتيجة وتعصريه كويس
ملاحظة : البصل الأحمر أفضل من الأبيض لان ميته أقل
ودي ميـة البصل اللي حنصبع فيها الكفتة بس
ودي كمية البقسماط اللي استخدمتها
وزيها لبن سائل
حنجهز اللحمة باننا بعد فرم البصل حناخد التفل ونفرمه مع اللحمة تاني
ودي خطوة مهمة علشان نفتت الأنسجة والبصل يختلط مع اللحمة تاني
وحتلاقي اللحمة لونها فتح قوي
نخلط البقسماط مع اللبن والفلفل الأسود والملح حيبقى عامل زي السيريلاك
ونخلط اللحمة كويس قوووووي معاهم
وندخلها التلاجة نص ساعة
لما تخرج حتصبعيها زي ماتحبي صغيرة أو على السيخ وشوفوا الصور
شايفين ازاي انا عاملة صوابعي انا قصدت اصورلكم الحركة دي
الحركة دي يابنات الشيفات بيسموها تحزيم يعني تحزمي اللحمة على السيخ وتغطي علشان ماتفكش
الطريقة التانية انا بفضلها بجيب فويل وبفرده في صينية وبحط عليه معلقتين سمنة
وبصبعها بمية البصل زي ماقلنا في الطريقتين
وبقلبها لغاية ماتاخد لون ولازم ماتزوديش عليها علشان لس حندخلها الفرن لمدة 10 دقايق تكمل سواها
ومش أكتر من كدا لأنه المبالغة في تسوية الكفتة هو اللي بينشفها
وبالهناوالشفا