مساء الخير ..
أنا عندي ترتيب سريع للمطبخ
تكنيس ومسح ارضيه واثاث الصاله
تطبيق ملابس


راح ارجع بعد ما اخلص شغل

شي طبيعي بيكون البيت شوية مكركب مع الاطفال مو معقوله بيكون 24 ساعه مرتتتب ونظيف الا اذا عندك شغاله بتقعد تلقط وتنظف كل شوي وراهم

او بتكونين من النوع الحار وبتقعدين تلمين كل شوي وراهم بهالطريقه بتعجزين بدري

لكن اهم شي يكون البيت مو وسخ بمعنى يكون فيه روائح كريهه ومواعين متلتله ودنيا مكركبه مالها اول من اخر !!

اول سبب للكسل السهر لانك تنامين متاخر وتصحين متاخر مالك خلق لاحد فماتدرين وش تسوين تجهزين اكل والا ترتبين والا تبين تطلعين مشوار !!

عندك حل من اثنين ياقبل تنامين ترتبين البيت وتغسلين مواعينك او تنامين بدري وتقومين من بدري تخلصين شغلك ..

اما الكرف الي من قلب فامسكي كل يوم غرفه وانفظيها لاتخلصين كل شغلك بيوم واحد وغالبا اكثر مكانين ينعفسووون بسرعه غرفة الاطفال وصالة التلفزيون مو معقوله البيت كله من الى بيكون مكركب


خصصي لنفسك وقت لراحتك يعني سوي لك قهوه مع حلا مع ابو الشباب واقعدو سولفو العبي مع عيالك اهتمي بنفسك مو شرط 24 كرف حتى الروبوتات لو بتقعد كم ساعه شغاله تنحرق فما بالك حنا البشر

أمس نمت قبل لاأكتب وش سويت..
بنتي عمرها4شهور الله يهديها صايره متعبه وتقطع علي شغلي كثير..
المهم أمس بدأت بالحمام تكرمون غسلت الزباله ونظفت كامل الحمام مع المغسله
ثم بديت بالحمام الثاني نفس الشي نظفته ونظفت غسالة الملابس...وغسلت ملابس وطبقت
رتبت باقي البيت كامل بس بقي المطبخ اليوم أن شاءالله بنظفه وبكمل غسيل الملابس

صباح الخير
انا امس روشت عيالي ولبستهم وطلعت دفعه ملابس من الغساله ودخلت دفعه ثانيه وغسلة حمام الضيوف وغسلة المغسلة ومسحت البلازما ومرايا البيت كله
وغسلة حمام العايله والمغاسل وخلصتها كله
مخططه ع كل يوم اخلي نص ساعه تنظيف
مثلا اليوم نظفت الحمامات وتمسيح المرايات وبكره كنس البيت ومسح السراميك وبعده المطبخ وهكذا وش رايكم كل يوم شغله علشان مايتراكم الشغل

انا ليوم غسلت صالتي ورتبت غرفه الحريم ونضضفت مطبخي وكويت ملابس زوجي وحطيت دفعه ملابسسس