الكسل هذا مشكلة انا الحمدلله أحب البيت يكون نظيف
بس الوقفه مرات تتعبني وشفت أفكار تساعدك بتنظيف البيت بسرعه
وبأقل مجهود


شوفو ياكسولات وانا وحدة منكم في طريقه اذا استخدمتها توفر الوقت
والبيت يكون نظيف بحكم انا بشقة مكونة من ثلاث غرف وصالة وحمامين ومطبخ
وانا وزوجي وعندي ولد اختي صغير اختي ساكنة بالشقه الي قدامي وزوجها حماي
يعني ولدهم عندنا 24 ساعه اسم الله عمرة 4 سنوات وينام عندي وامة وابوه دوام
مايخلي شي بمكانة ارتب وهو ورأى يخرب حبيب قلبي تعرفون العمر هذا يحب التنبيش


كنت انظف وأتعب طول النهار واطبخ الغدا والعشاء يومي مرات الفطور مو دايم نقعد متاخرين
واخر شي المطبخ وصخ والمواعين ااااهاااا يكرهي المواعين
جبت غساله مواعين الحمدلله ريحتني كثير انصحكم فيها وانا بطبعي أحب الطبخ بس اكره
غسيل المواعين وسويت طريقه وحدة بالمنتدي جزاها الله خير
انك تعطين نفسك ساعه من الوقت وتفكرين 😇 وتفكرين وتفكرين بعمق ههههههههه 😴
شنو اهم شي عندك بالبيت يحتاج مجهود يعني الغرفه الوصخة طبعن كلكم اتوقع نفسي المطبخ
هو اهم شي بالبيت اذا صار نظيف احس الباقي سهل يعني غسيل مواعين وتغيير القصدير الفرن
ومسح الطاولات وكنس الارض ومسحها وغسيل المجلي وترتيب المواعين اتوقع المطبخ هي أزمة كل وحدة
سوى كسلانة او لا
يعني المطبخ هو الي عليه الاختيار يالله شمري عن سواعدك وإذا خلصتيه راح يخلص كل شغل البيت
لانة راح يعطيك حافز وشعور ان البيت نظيف
وبعد التفكير طاح الاختيارعلى المطبخ قسمية على قسمين
كل قسم ساعه بس يعني تشتغلين ساعه متواصلة وتريحين ساعتين
كل مافكرتي بالساعتين الراحة جاك شعور بالراحة وراح تخلصي شغلك قبل الساعة
عشان تريحي والبلفترة هذي تسوي لك قهوة او نسكافيه اي شي تحبينة كمكافائة لك
وتفتحي النت على عالم حواء حبيب الكل هذي مكافائة ساعة المطبخ
نجي لساعه هذي شنو تسوين فيها نبدأ بالساعة الأولي 1 غسيل مواعين
لاتخلين ولا شي غسيلهم كلهم سوى باليد او غساله المواعين
2 مسح الطاولات كل طاولات المطبخ مسحيهم انا استخدم منظف البخاخ حق
الطاولات بعد ماخلص أعبيه ماي وديتول وبخ على الطاولات ومسح بفوطه نظيفه
الطاولات ماتخذ منك خمس دقايق . بكذا تكوني خلصتي الساعه الأولي
روحي ريحي ساعتين وخذي مكافاتك
بعد الساعتين نروح الساعه الثانيه
1 غسيل المجلي وياخذ منك خمس دقايق وإذا كسلانة مرة 10 دقايق 😠
2 تغيير قصدير الفرن
3 كنس المطبخ ومسحة عندي الممسحة الي تجي بسطل ريحتني كثير وعليها ماي وديتول
وإذا خلصت منها احطها ورأى باب المطبخ
😊 وهكذا تكون خلصة الساعه الثاني والمطبخ يلق نظافة وريحة ديتول
تروحين تريحين ساعتين مكافائة شفتو شلون المطبخ خلص بساعتين دلع
لأنك لو واصلتي ساعتين متواصلة بتتعبين وتطفشين طبعن هذا لنا الكساله
الي لا يمكن تخلص الساعتين ورأى بعض 😅
يالله نشجع بعض بروح أبدا الساعه الاولى اغسل في مواعين بالمطبخ ومسح الطاولات
ورد لكم بعد ساعه

1__ 6 ساعات واخر شي بس المطبخخخ 😩😩
2_ هذا بتي بتصحا ويتفسد واكيد يجي ابو الشباب ويروح الوقت واسوي طبخه 😑😑😑
3 _ واصلا مو كل يوم يحتاج ساعتين
4_ بيجك نوم ويروح الوقت وانتي في يوم واحد بس رتبتي مطبخخ


بس حلو لو انك تخلصين المطبخ وتحطين في الغساله ملابس واذا خلصتي المطبخ طلعياها ونشريها .. وتاخذين مكافاه ساعه بسس وتبدين بالبيت وتحطين غسله واذا خلصتي البيت طلعيها ونشريها وكذا ارتحتي ويصير عندك وقت تسوين اي شي

انا كككذا اسوي صرت احط ملابس البيضا واروح ع المطبخ وارتبه واخلص واجلس اتصفح النت ولا اتفرج باليوتيوب اي شي بعدين اقومم ارتب البيت واحطي ملابس واذا خلصتت اطلعها وانشرها وصرت اغسل ملابسنا اول باول

الحمد لله خلصت شغلي قبل ساعة
غسلت المواعين ومسحت الطاولات والثلاجة من برا ومسحت غساله المواعين
ومدة ساعه اقصد اذا عندك شغل واجد بالمطبخ مكدس بس اذا شوي نص ساعه كفايه على حسب الشغل
مرات يأخذ ساعه ومرات اقل
وبما انه اليوم ماعندي شغل الغرف نظيفه وماعندي غسيل ملابس أمس مغسلة الملابس ومطبقتهم وماروح اسوي غدا اليوم زوجي يجي من الدوام على المغرب بس راح اسوي عشاء يعني ماعندي شغل
عشان كذا ماخذه راحة ساعتين بس اذا عندي غسيل ملابس وغدا ساعة بس اريح فيها

وانا بعد اغسل الملابس اول بأول ومرات يوم اي ويوم لا ورتحت من الملابس والحين بروح اصلي وريح شوي وطلع دجاج من الثلاجة عشان يمديه يفك للعشاء

وأسلق دجاجتين مع بعض وحدة عشاء والثانية حق بكرة غدا وفرزنها وطلعها بكرة الصبح وكون مرتاحة بس اسوي الرز والمرق وكل شي نظيف

وعليكم السلام ورحمة الله
كلنا يابنات وانا اولكم تجي لحظات وايام نكسل
اولا حاولوا كل شي اول باول
الغسيل اول باول
المطبخ اذا عندك طاولة تساعدك تجمعين عليها شيليها او الغيها حتى ماتراكمين وتذكري كل مانظفتي اسرع كل مارتحتي اطول وقت
واستعيني بتخضير الاكل بصحون بلاستيك وملاعق واثناء تحضير الغدا حطي صحن وعليه ملعقة وسفرة على الرخام بكذا من تخلصين لمي السفرة وارميها خلاص ماراح تحتاجينها
واغسلي الملعقة والصحن
فطوركم مايحتاج الابلاستيك صغيرة وتخلصون ارمي
الغدا اذا صحيت بدري افضل تجي الساعة 1 انا خلصت خلاص منه وقفلت عنه ونظفت المطبخ وبخرت وخلاص
والغسيل ع طول اغسل تقريبا يوميا او يوم بعد يوم ويكون عندي عباية للخرجات وملابس للخرجات جاهزة في حالة ضيف فجاة او زيارة لاي شخص
الحمام ملعقة من العملاق وافركي الحمام واشطفي يوم بعد يوم او كل ماشفتي حمامك يحتاج غسيل
واستمتعوا بشغل البيت ساعة للبيت كامل وكل وقت وجبة اطلعي مطبخك نظيف وبكذا ترتاحين طبعا حيجي لاي انسانة وقت تنضغط او تتعب لكن شدي حيلك
والغسيل ساعة باليوم له او اقل طبعا بس لاتراكمون اللي يتعب ويخليكي توقفي وقت طويل هو التراكم
وراح انزل الرد بموضوع منفصل حتى يكون مرجع لي ولكم