اهللللين أختي جومانه


اولا :الف الف مبروك على الملكه يا جومانه

والله يوفقك ويسعدك في حياتك ........... آمين

وانا بصراحه من المؤيدين لمكالمة الزوج قبل إتمام الزواج ..وأنا ما قلتلك الكلام الا لأني مجربه

بصراحه تختصر لك اشياء كثيره بعد الزواج وخصوصا فهم الزوج وشخصيته تتكون من خلال كلامه

واهم شي مثل ما قالوا الأخوات انك تكونين رزينه والأهم الأهم ( الحياء ) مهما كان !!!!!!!

اتمنى من الله عز وجل اني اكون افدتك وتسلمين,,,,,,,,,,,,,,,,

ياعمري الله يسلمكن
والله يبارك بحياتكن جميعــــــــــــا
:26:
والله مدري وش اقول
والف الف شكر على النصايح
وان شاء الله تجيب نتجة:27:
والله يوفق الجميع

اهلين بنات كيف الحال
شكلي راح اجيب لكم صداع من كثر الاسئلة
لازم تتحملوني
:27:
طيب اذا دق يعني المرة الرابعة او الثالثة ابين له اني متلهفة لصوتي
واني مشتاقة او اكون عنصر محايد

اذا طلب مني ادق عليه اوافق
بصراحة متردددة مررررررة

ياحياتي والله انتظر الردود بفارغ الصبر

هلا اختي جووومانه ومبروك الملجه..

الغاليه انا نفسج مالجه.. وبصراحه والحمد لله وايد استفدت من مكالماتي لزوجي.. ما كان يخلو الموضوع من احباطات وشوية مشاكل بس الحين بعد مرور 6 شهور تحسن الحال وايد.. وهذا بفضل الدعاء والتوكل على الله..

نصيحتي لج .. احرصي الغاليه على تثقيف نفسج هالفتره.. بشخصية الرجال وطرق التعامل..إلخ

وعندج كتاب ((الرجال من المريخ والنساء من الزهرة)) ل جون جراي.. ترجمة مكتبة جرير.. راح يفيدج ان شالله..
وكتاب ((إذا كان الحب لعبة فهذه هي قوانينها)) ل شيري كارتر سكوت... ترجمة مكتبة جرير.. كتاب مفيد جداً خصوصاً لهذه المرحلة..
وكتاب ((لا تهتم بصغائر الأمور في العلاقات الزوجيه)) ل ريتشارد كارلسون وكريستين كارلسون.. مكتبة جرير.. كتاب مميز وينبهج لأمور تظنينها بسيطه وهي سبب أغلب المشاكل.. وطريقة العرض مميزه جداً..

الغاليه احتفظي بهالكتب كمراجع ترجعين لها من فتره لأخرى بعد قراءتها كامله.. ولا تنسين الأشرطه الدينيه الموجهه للمتزوجين.. للأستاذ عمرو خالد.. والأستاذ وجدي غنيم.. والأستاذ جاسم المطوع.. والدكتور إبراهيم الدويش.. وغيرهم الكثير دوري في المكاتب والتسجيلات الإسلاميه..

اختي جووومانه كلامي هذا من تجربه.. بالنسبه لي لو ما ثقفت عمري بهالفتره ((الملجه)) اللي هي من اصعب الفترات.. ما اظن كنت قدرت استمر بهالعلاقه.. لأني كنت أظن بعض تصرفات زوجي سببها عناد أو كره أو تطنيش.. بس يوم فهمت طبيعة الرجال ونفسياتهم وطريقة تعبيرهم عن مشاعرهم.. تغيرت نظرتي والحمد لله..

ووصيه أخيره أرجوا انج ما تهملينها.. أهديج موضوع الأخت رنا يزاها الله خير
http://forum.hawaaworld.com/showthread.php?threadid=128519
والمطلوب منج اكتشاف نمط زوجج والتعامل معه على أساس نمطه.. هالشي بيوفر عليج وقت وايد في فهمه وكسبه ان شاء الله..

وبالنسبة لاستفساراتج.. كوني طبيعيه مثل ما وصوج الخوات.. بتكون صعبه شوي بسبب الحيا.. بس حاولي عشان ما تصير احباطات بعد العرس يوم تتعودين عليه وترجعين لشخصيتج الأولى.. وكوني على طبيعتج مب معناها لو لا سمح الله عندج نقاط ما تعجبج في شخصيتج انج تستمرين عليها.. لا.. حاولي تطورين نفسج وتتغيرين للأفضل بشكل دائم مب مؤقت :)

إذا دق وايد هذا أكبر دليل منه على حبه وشوقه لج.. انتي لا تكونين وايد بارده وتبخلين عليه بإظهار فرحتج باتصاله.. وبنفس الوقت لا تبالغين في التعبير عن شوقج او فرحج.. حاولي توازنين في كل أمورج.. ونفس الشي بالنسبه للاتصال.. وازني بالموضوع حسب اللي تشوفينه.. اتصلي فيه لانه طلب.. بس اول قوليله اخاف تكون مشغول وأزعجك أو تكون ويا ربعك وأحرجك.. عشان يعرف ان سبب عدم اتصالج هو مراعاة لمشاعره وحياء منج مب تكبر..

وأهم أهم نقطه... اللي لها مفعول السحر على زوجج وعلاقتكم.. وهاي من تجربـــــــه... الدعااااااااااااااء.. مع كل الخطوات السابقه خلي الدعاء رفيقج.. في السجود.. بين الأذان والإقامه.. في الليل.. ((عند الإفطار)).. وعندج شهر رمضان فرصه :)
واكثري من هالدعائين:
((اللهم اصلح بيني وبين زوجي واجعل بيننا موده ورحمه))
((اللهم اقنعني بزوجي واقنعه بي وجملني في عينه وجمله في عيني))

الكلام دلع في دلع
:24:
ايام ما تنسى