الكلام عند ابنتي

بنتي صار عمرها 3 سنين و5 شهور
لاحظت انو الي بعمرها واصغر بحكوا كلام واضح وحوارات
مش عارفه هل هي طبيعبه
ماشاء الله عندها سرعه بالحفظ سواء عربي او انجليزي يعني حافظه اغاني اطفال حافظه سوره الفاتحه وسوره الاخلاص
حروف ارقام الوان حافظه وحافظه شكل الحروف او ارقام او اي شي اذا شافتوا
يعني بحس كانها بس بتحفظ بدون فهم شو بتحكي
ما في اي حوار بتحكيه كامل
غير طبعا الي حافظتوا حفظ
بس بتحكي جمل الي فيها فعل مثل اركض بسرعه
بدي اشرب حليب
مع انو كتير بتختصر مرات مثلا بتحكي حليب
بس اتشوفني ما رديت عليها فبتطلب بجمله الكامله بدي اشرب حليب
مرات بتنفذ الي بطلبوا منها انو مثلا جيبيلي ريمونت او جيبيلي اللعبه
ومرات ابداا بكون كاني بحكي مع حالي بحس ما عندها تركيز
واذا مثلا سالتها شو رايك انروح مكان فلاني
بتصير تغني وتحكي كلمات مثلا عن العابها يعني ما دخل بالسؤال
وكتيييييير بتعيد الحكي يعني اي حد بسالها كيفك بتجاوب بنفس الكلمه كيفك ومابتعرف الجواب لازم يكون حفظ
بس بتحكي لما اتشوف حد او تحكي تلفون بتحكي جمله كيفك شو اخبارك تمام مره وحده بتحكيها واضح حفظ منا
بس اذا حد سالها ما بتعرف اتجاوب او بتعيد نفس جملتو


يعني في اساله انا حفظتها اجوبتها مثل اسمك بتحكي اسمها بالكامل وكم عمرك بتجاوب وبعض الاسئله الدينيه البسيطه حفظتها ياهم ومرات كتييير ما بتقبل تجاوب وبتقول لا


خايفه لانو وقعت على راسها وهي رضيعه اكتر من مره اثر عليها ولاهيك طبيعي
وكتير بتحضر بالتلفون برامج واغاني للاطفال اجنبيه وبتحفظهم
وكنا بغربه وصار لي اربع شهور رجعت بلدي
هل ممكن سبب تاخيرها
كيف اخليها تفهم شو بنحكي معها او حد بسالها تعرف تجاوب وما تعيد وراه الكلام
طولت عليكم بس هاليومين بفكر فيها كتير وحاسه انها كبرت بس تصرفاتها وحكيها قالقني