الله يصلح الحااااال

وهو صادق ماقال شي غلط
وكلامه صحيح ترليون ف المية
اش هالملكة اللي يستغلها زوجها أو أبوها أو أخوها لماتكون موظفة وياخذ منها بطاقة الصراف وعينها تشوف وهي ذليلة مكسورة نفسها ولاتقدر تفتح فمها بكلمة

اش هالملكة إللي مازال في بعض القبايل يزوجها ولي أمرها من غير ماياخذ رأيها إن كانت موافقة على الزواج أو لا

اش هالملكة اللي تنهان وتنذل من زوجها ويكفخها ويجرجرها ولا تقدر تقول شي ,,,إن راحت لأهلها تشتكي قالوا اصبري ومالك إلا الصبر

اش هالملكة لما تكون مطلقة ولا أرملة ولا معلقة ولا زوجها هاجرها
محد يلتفت لها ولا هي لاقية أحد يهتم فيها ولا يدافع عنها

أقلها يٌبنى لهم مجمعات سكنية ويصرف لهم راتب شهري يكفيها هي ومن تعولهم ويزيد بعد

اش هالملكة اللي تتمنى خمس مية ريال وماهي لاقيتها
لامن زوج ولا أب

ياشيخة أنت وياها فكونا من هالكلمة اللي افقرتنا

مانبي ننزع حجابنا لآنه عزنا وشرفنا
ولا نبي سواقة للسيارة لآنه آخر همنا

نبي نعبش حياة كريمة فقط !!!

فيه حريم يستحقون حقوقهم كامله وفيه حريم مايستحقونها اللي القبهم بالمراءه عدوة نفسها ودايم تكون هالنوعيه ياراضيه بالذل والسيطره الهمجيه عليها اللي ماتمت للدين بصله من اهانه وضرب وكتمان وتبي العالم مثلها او تكون من اللي مرتاحه بعيشتها ومتوفرلها حياه كريمه لكن تتشدق بكلام غير منطقي عن مثالية حقوق المراءه الموجوده وتصف ضدهم لمجرد كتابة رأي وعلى فكره فيه بيوت حال البنت فيها جدا قسري وظالم يادوب تقدر تفتح فمها وتقول رايها ,,

ماادري ليه مايوقف ضد المراءه الا المراءه نفسها مع انهم كسبانين كلهم بالنهايه فيه حقوق مهضومه كثيير خاصه اصحاب القضايا المعلقه بالاشهر والسنين بالمحاكم وفيه رجال كثير يستغلون هالشي باذلال الحرمه اكثر


الله يكون بعون كل مظلومه ومعنفه ومكتومه ماقدرت تاخذ اقل من ربع حقها

واللله انه صادق ياكثر الظلم عﻻ المراه وﻻ احد يدري عنها انا في حياتي ماكرهت كلمه مثل انت ملكه ملكت ايش ياحسره ملكت طل

ظروف الناس تختلف
مانقدر نعمم على الجميع انهم مظلومات ومانقدر نعمم انهم ملكات
في واقعنا نشوف ملكات
رجالها مدلعها مصرف شهري شغالة سواق ماركات سفرات واهلها جنبها مايقصرون معاها
هذا نموذج للملكه
وفيه برضوه نسمع اللي زوجها ساحب عليها وعايش مع زوجته الثانيه وانواع القهر والظلم والانهيار العصبي الزوجته الاولى
وفيه اللي يضربها وفيه اللي تشتكي من خيانته وسفراته للبحرين وغيرها
يعني لا نعمم ظروفنا على الجميع