ياكثر هالكلجات

مرة كنت اهاوش أخوي الصغير وبأقول له اشرب عصير وكل ساندويش قلت كل عصير واشرب ساندويش

ومرة بقول حطوا الحلى بالصينية قلت حطوه بالصحنيه

ومرة أختي جايه من الأمتحان وسألتها وش الأسئلة بتقول فراغات قالت فغرات

عاد دايم أخوي يعلق علينا ويقول حطوا بالصحنيه اللي فيها فغرات العصير عشان نأكله

عاد انا مو كلجات وبس

انا موسوعه كلجات

ومعروف عني هذا الشي عند الكل اي احد يقابلني لازم يسال ايش اخر كلجاتك

واحس الجمله الغلط الي فيها تكليجة هي الصح حتى لما اعدلها براسي اقول لا الاولى صح

وخذي هاذي قطرة من بحر

حبي فيه لسان=لساني فيه حبة

عضوض عزني=عزوز عضني

فقعي انبطن=بطني انفقع

جميلتي زميلة=زميلتي جميلة<<اسمها

وهاذي من زوجي من كثر مايتريق علي طلعت منه هاذي ومسكتها عليه

لصقات عادسة=عدسات لاصقه

ولي عودة اذا تذكرت شي

ههههههههههههههههههههه
انا واخت زوجي متنى ضحك

ايوا تذكرت هاذي كمان من جد احراااااااااج

مرة رحت عند دايه انا وامي وبعد ماخلصت وخلاص خارجة ابقولها يعطيك العافيه ياخاله

قلت
^
^
^
^
يعطيك الخالة ياعافيه

يالله مرررة انحرجت على طول غطيت وجهي وطلعت وامي وراي ميتة ضحك المشكلة الغرفه مليانه حريم بس اشوى ماعرفهم

مره وانا ادرس بالمتوسطه

وكانت اختي بمدرسه ثانيه

ونايمين بالسياره وابويه الله يجعله بالفردوس الأعلى هو الي يوصلنا

وصلنا مدرسة اختي اول وقال لها ابوي انزلي يافلانه جت نازله وقالت تصبحون على خير

رديت قلت صلى الله عليه وسلم

والله مدري ح\د إنتبه غيري ولا لأ