الكلف ..المستعصي !!!!

عندي لج مجموعة نصايح يالغالية و ان شاءالله تستفيدين منهم لأني كنت أعاني من نفس المشكلة لكن تغلبت عليها الحمدلله بنسبة 80%

اول شي كثري من الفواكه و الخضروات في أكلج و المااااي أهم شي و العصاير الطبيعية

ثاني شي استخدمي واقي قوي لان باين بشرتج حساسة و تجنبي الظهور في الشمس
يمدحون ماركة روك الطبية و واقي بودي شوب

الصابونات استخدمي صابونة الكركم,,صابونة البابايا,,صابونة شندريكا هالصابونات ممتازات للبشرة الدهنية وانتي اختاري الصابونة اللي تتناسب مع بشرتج

اول ما تردين من طلعة الشمس غسلي ويهج و بعد 5 دقايق ادهنيه بزيت الزيتون او زيت اللوز المر او زيت السمسم راح يكونون مهدئين للبشرة و يحمونها من اثار الشمس
انا عن نفسي افضل زيت الزيتون أحسه مهدئ و منعش للبشرة

طول ما انتي في البيت غسلي وجهج بماء الورد

فيه خلطات طبيعية تقلل من الكلف انا شخصيا مجربتهم وو بذكر لج جم وحدة منهم ان شاءالله تستفيدين منهم
1/ روب زبادي+ خميرة+ ماء ورد + نشا+ عسل
تسوين خليط متجانس و تحطين الخلطة على الوجه لحد ما تجف
غسليها بماء فقط و رشي ماء ورد بعدها
بعد نصف ساعة استخدمي صابونة للتنظيف

2/ زيت لوز+ روب زبادي+ عسل

3/ اغلي بقدونس في كوب ماء بعدين صفيه من ورق البقدونس و استخدميه بغسل الوجه


داومي على هالخلطات و ان شاءالله تختفي الآثار و طبعا العملية بتكون صعبة شوي و يبي لها صبر لان بعض البشرات تكون حساسة لحرارة الشمس و ان شاءالله تختفي الآثار اللي عندج

الله يسعدس وينول لس الي في بالس
............................................

بسم الله

اشكرك اختى على الشرح الوافي ......... وان شاء الله ابدا من اليوم بتطبيق بعض منها .....ولكن المشكله ان بشرتي مهب دهنيه ..هي بشرة مركبه علشان كذا انا ما اقدر استخدم صابونه اخاف تجفف بشرتي

وصفات دنيا الخير رائعة وعليك
بماء الورد أوقليل من زيت اللوز
المر يعوضك في نشوفةواختلاط
البشرة
وكثري شرب الماء 0

بسم الله

اشكرك اختى روح نجد ..على الرد