الكلوميد والتكيس

ربي يجزاكم خير

طمني بالك حبيبتي التكيس مرض شائع بين النساء في وقتنا وسمعي مني ونا اختك لا يضيق صدرك ولا تسود الدنيا في وجهك لان الله لو قال كن لكان حملك لا تكيسات ولا شي فوق ارادة الله وهذي اهم نقطه لازم تؤمنين بها من قلب وتوكلي امر حملك لله ثاني شي التكيسات عباره عن بويضات مانضجت لنقص الهرمون فتتشكل على شكل حبات اللول على المبايض وتقدري تشوفيها في السنوار وقت الكشف وعلى العموم هي ماتكبر بس ممكن تكثر اذا مافيه علاج لها واهم خطوه الحين تسويها اذا كان وزنك زايد لازم ينزل وبذات منطقت البطن ماتكون سمينه ومتجمع فيها الدهون وحاولي قد ماتقدري تمشين لو نص ساعه يوميا وبعدين استمري على الجلو كوفاج لانه يساعد على الحرق ونزول الوزن في الشهور الاولى علشان كذا استغليه لان بعد مايتعود الجسم عليه احس تختفي اعراضه وياما قرينا اخوات لنا هنا متكيسات حملو بعد استخدام الجلوكوفاج ومعلومه مهمه عن الكلوميد لازم تفهمين ان الكلوميد مع المتابعه الطبيه مايزيد التكيس لانك بتاخذي ابره تفجريه ياتتلقح البويضه بارادة الله او تنزل مع الدوره الجايه يعني الكلوميد مامنه مضار بالمتابعه عن تجربه ولا يسبب الم وستخدميه حسب ماقالت لك لاني والله ناسيه ايام استخدامه لي فتره مريحه من التنشيط وبعد العيد ببدا مره ثانيه بالابر
وحبيت اقولك واكد لك ان الله لمى يقول كن فيكون مايرد ارادته شي سبحانه صديقتي تزوجت وقعدة سنه ماحملت وهي من هي بنت تعالج بهالهرمونات لان الدوره تقعد عليها بالاسابيع والشهور وبعد سنه من زواجها فحصو زوجها سليم بس هي كل الهرمونات ملخبطه وتكيسات على المبيضين شديده ووصفت لها الدكتوره كلوميد وستخدمته وصار عندها بس بويضه وحده كويسه وعطتها ابره تفجرييه بس ماكانت شايله هم الموضوع ولا اعطته اهتمام لانها كانت مشغوله بزواج اخوها بهد زواجه باسبوع اكتشفت انها حامل وهذي اهم نقطه لازم نسويها وهي النفسيه لازم تكون مرتاحه ونريح عقولنا من التفكير بذات وقت التنشيط طبعا هذي نصيحه انا ماقدرت امشي عليها لان طول الوقت افكر بموضوع الحمل الله يرزقنا من واسع فضله المهم بعد سنه اكتشفت انها حامل طبيعي بدون منشطات ولا بتوئم بنت وولد والحمدالله عيالها حولها الله يزقنا من واسع رحمته ادري طولت عليك بس حبيت اخذ بيدك وطمنك لاني نفس حالتك اول ماقالتلي تكيس دارت فيني الدنيا ودخلت حالت اكتئاب لمدة شهرين لين الله سخر لي صديقتي هذي وفهمتني كل الي ارجوه منك دعوه في ظهر الغيب بالذريه الصالحه لي ولك ولجميع اخواتي المتاخرات

معليش حبيبتي اذا الكلام ملخبط ومو مرتب بس ماحبيت اني اطلع الا وفيدك بالي عندي واي استفسار انا حاضر

والله انا نفسك....ام عبدالعزيزفهد الله يجزاك خير طمنتيني

نصيحه لوجه الله اعتبرني أختك ابتعدي عن الكلوميد لانه يزيد التبويض وبعض البويضات ماتخرح وتصير أكياس ع المبيض انا عانيت منها عملت جراحه لاحد الأكياس بسبب الكلوميد واليوم الدكتور استشاري ف سمير عباس قال ابتعدوا ع الكلوميد وأعطاني نولفاودكس قال افضل من الكولميد والله العضيم ابقي ما تمرين بالتجربة اللي مريت فيها وانا اكتب الكلام وانا مسافره ذحين بس لما شفت الموضوع ع الكلوميد شاركت أتمني من الله ان يرزقنا جميعا بالذريه الصالحه التي تقربها اعينينا ودعواتك