طريقة معلمنى اياه اخوي كيف تعرفين العطور الى فيها كحول ومغشوشة من العطور الاصلية
اول ما تشمين العطور في المحل اذا كحيتى او حسيتى انك كانك زكمتى العطووووور اذا مضروبة ( مغشوشة )
***** اذا لابسه نقاب النقاب بيطير ^_^ هههههه ******
وانا عن نفسي ما استخدم العطور الى فيها كحول ((( 000 الصراحة اخاف على بشرتى لاتخترب واخاف على شعري ليطيح 000))
والعطر الروووووووووعة الى الكل سالنى عنه وعن الريحة الى عالقة بجسمى طبعا هو عطر حرووووووف
وبقولكم بعد طريقتى في تثبيت العطر في جسمى
1. اول شي تاخذين دوش --- نعيما
2. ولما يكون الجسم مبلول تحطين الزيت على الشعر والجسم
3. وقبل لبس الملابس تحطين الوشن عل كل الجسم
4. تحطين مزيل عرق
5. وبعدها البودرة
6. وبعد ها تتعطرين و تبخري
وامشي في البيت كانك فواحة عطر تمشي
(شوفى ابو الشباب ايش بيقول لك وبعدها بتقولين جزاك الف خير يا ام ميرة )
اسال مجرب ولا تسال طبيب
وبهذي الطريقة يثبت العطر فيك لفترة طويلة
وانا طبعا استخدم العطر مع مجموعتة ( لوشن للجسم- وزيت للشعر والجسم - ومزيل عرق- وبودرة للجسم- وعطر جامد - والرول ان ) وهاي المجموعة بالضبط ريحتها نفس العطر
والعطر الجامد روعة وهو عبارة عن نفس العطر بس كريم مركز
والرول ان هذا نفس العطر بس الغطا ماله مثل الرول موجود طبعا في شنطتى هو والعطر الصغير ( نفس العطر الكبير بالضبط ) لان حجمهم صغير
عن نفسى استخدمه حق المناسبات والاعراس ولما اروح بيت اهلى او حق العزايم احط منه ورا اذنى وهو ينحط في الاماكم الحساسة ( مثل بين الركبة وبين الكوع000 ) ومرة سمعت خبيرة تجميل تقول انه العطراو الكريم المعطر ينحط بين ها الاماكن لانه يركز كثير فى ها المناطق