الكل تخلى عني

االسلام عليكم
طليقي حط الولد عند جدته واتصل علي
قالي ان هذا احسن حل بالنسبة له انه يقعد مع جدته وجده بالبيت لاني رافضة يسكن عندهم بسبب تعذيب زوجته له
وقالي يتم قريب منه ويسير عليه كل يوم
مع العلم انهم ساكنين جنب بعض وبينهم خطوتين
وين احسن حل
جدته اكثر واحدة تعذبه وتهينه ب كل شي لسا زوجة ابوه ارحم منها
وبنفس الوقت ما افتك من هذي الكلبة قريب منها وبعض الاحيان يتغدون مع بعض وتستفرد فيه
وجدته
ماتناديه الا يا ابن فلانة ومرة تقولي هذا تسمونه على اسم عائلتكم مو عائلتنا
مخليته الحين خدام وعامل منزلي عندها
ماتغير عليه شي يوميا عذاب نفسي واهمال حتى اكل ماتجبله وصارله يومين ماراح للمدرسة والسبب انها ماتصحيه تتم سهرانة للفجر وتدقها نومة وماتصحى على شي وهو يتصل يوميا ولا بعد تضربه وهذا لي كان ناقصه انه ينضرب ويصورلي يديه لونهم احمر يقولي شوفي ضربتني بعقال جدي لاني طلعت من دون اذنها و بالليل مخليته يقعد ب ارض الحوش بحجة عندها ضيوف ويمسكه عمه يدخله ينام عنده
ويجي يشكي لي ويتعبني معاه
مع العلم مفروض يجيبوه لي ويتصل ابوه يقولي ولا يهمك ماخذه الرياض افسحه واونسه وبالاخر طلع رايح مع جدته مثل الخدام يشيل عنها الاكياس بس ويتهزء بالطريق
قلت خلاااااص ليه بقى اتعذب انا وابني واشكي هنا وهنا
قرررت ارفع دعوة حضانة بالمحكمة ويوم قررت الكل خذلني وتخلى
امي زعلت تقولي انه مهما حصل نتم عيال خالة ومهما كان يتمون اهل الولد
الحييين صرنا عيال خالة عقب ماشفنا الويل والظلم والتسلط منهم
واختي تفشلت خطبتها من ورا حش بناتها وافترائهم
والله يابنات كلام مستحيل يطلع من ناس يؤمنون بالله ويؤمنون بالموت والحساب
ويوم جات ترفع قضية قذف عليهم ومعها اثبات امي هددتها تغضب عليها واختي تعبانة نفسيتها للحين لانه ماحد دق بابها ثاني وصار عمرها ٢٧ سنة لا وظيفة ولا مال ولا زوج
واخواني ضعاف شخصية الكل لهى وتهرب ماحد راضي يروح معاي ويقعدون يخوفوني يمكن يقلبها عند الشيخ وياخذ الحضانة له وكذا يحرمك من الولد على الاخر
وخصوصي انه طليقي عنده معارف كثير وواسطات كبيرة
يقعدون يخوفوني يقولولي ابن خالتك لي هو اخو طليقي واسطة ويقعد مع الامراء وممكن يقلبها عليكي
احنا وين قاعدين يعني؟
عندي الادلة والاثباتات والولد مستعد يقول كل شي
حتى زوجي لي يقولي بحطه بعيوني ومدري ايش
بالاخر حسيته متضايق لاني قلت له احتمال كبير ابني يرجع يسكن معانا
يعني الكل تخاذل وتهرب وتركوني لوحدي وماعندي اي مشكلة
الحين ابغى ارفع هالقضية مهما حصل بس مشكلة امي زعلانة مني عشان اختها ويمكن تقولي بغضب عليكي مثل ماقالت ل اختي
واناا وابني لي كرهوه عيشته مو سائلة عنه بس تبغى تم ذليلة ل اختها طول عمرها تبقى كذا مع ان اختها هذي اصغر منها امي عمرها ٧١ سنة واختها هذي ٥٨ سنة يعني فرق كبير جدا وماسلمو على بعض من خمس سنين بس امي تتذلل لها وذيك تذل فيها بفلوسها قدام الناس
حسبي الله ونعم الوكيل بهالبشر ذولي
والله كرهت عيشتي كل يوم افكر ب ابني ٢٤ ساعة
حسبي الله على هالابتلاء هذا