الكل طمعان.....يحسبوني جالسة على كنز

يا بنات أنا تعبانة خلاص والله كرهت الحياة :44:

أنا الحمدلله زوجي مقتدر ماديا لكن مو لدرجة انه وااااااااااو لا الحمدلله نعيش براحة ونقدر نوفر شوية والحمدلله على النعمة ونعيش في مدينة بعيدة عن أهلنا والحمدلله يا رب أدمها من نعمة.

المشكلة ان زوجي بيسافر خارج السعودية وبروح عند أهلي :44:

أنا طبعا أعشق أمي وأحبها وهي تعبت علي وما قصرت وهي حرمة كبيرة الحين

لكن المشكلة أكره عمري يوم أروح الاجازة

زوجي يعطيني مصروفي وآخذ هدية لأمي ومبلغ لها ومبلغ لوحدة من خواتي وضعها مو زين وهي متزوجة وعندها عيال لكن يا بنات صعب أجيب لكل الأهل
والله الأحفاد فوق الأربعين ما شاء الله

وأنحرج مع امي أحس الكل يناظرني بنظرات حقد وما ينادوني غير يا البخيلة
وأنا والله ما أقصر يوم أروح مع زوجي نجيب للكل
بس أنا الحين بروح لوحدي وصراحة كارهة عمري
الحين أقول لأمي خلاص ما رح أجيكم عادي وما أخاف لوحدي في بيتي وزعلت مني قالت ابي اشوفك ما أضمن عمري
وأنا تعقدت وعصبت
الحين زوجي بيسافر لمدة اسبوعين وتقولي تعالي بعد اسبوع زيادة وانا خايفة اطول والله أكره عمري تزيد المصاريف والبزران والمناسبات وصراحة أنحرج .......زوجي ما يقصر يعطيني مصروفي بس أنا والله أوزعه على أمي وأختي وخلاص ما يبقى شي طيب الحين من وين أجيب للباقيين....والمشكلة يوم امي تقول حطي في يد ولد أخوك فلوس
من وين انا كل اللي معه عطيته لك ولأختي ....وتزعل يوم أقول كذا
من جد وش أسوي بعمري
والله كرهت نفسي ما أحد يرحم الثاني
والله كل مصروفي أعطيه لهم
وكل سنة يصير معايه نفس الموضوع
الحين انا محتارة أروح أسبوعين ولا 3 مثل ماتبي امي
اخاف تزعل علي بس المشكلة كل ما طولت احتاج فلوس اكثر
وفيه بعد مشكلة اني مثلا عطيت اختي فلوس او جبت لها هدية وجت زارتني اقوم اعطيها الهدية وبعدها بكم يوم تعزمني واذا عزمتني لازم اجيب هدية معي يوم اروح بيتها طيب من جد وش الحق على عمري احس الوضع متعب وعددهم كبير ما شاء الله
حتى زوجي يعاني نفس الشي ويقول مالي نفس اروح السنة ويقول والله ما اروح غير ودي اشوف امي وابوي وخلاص

طيب وش الحل تعبت تعبت اضغط على نفسي ويجيني تعب وانهيار والله ما ادري وش رايكم
انا على فكرة شخصيتي ضعيفة قدام امي يعني اخاف تزعل اعصب عليها لكن ارجع ابكي وابوس رجولها
واي كلمة من أي أحد تأثر فيني
تكفون ساعدوني بأي شي لو كلمة تطيب خاطري وتريح بالي