الكل نايم وأنا دمووووعي على المخده ... هذا حالي له فتره طويله

{فقلت استغفرو ربكم إنه كان غفار يرسل السماء عليكم مدرار ويمددكم بأموال وبنين ويجعا لكم جنات ويجعل لكم أنهار}
{قل ياعبادي الذين أسرفو لا تقنطو من رحمة الله إن الله يغفر الذنوب جميعا}
أقرأي هالآيتين وشوفي كيف ربي رحيم غفار سبحانه شوفي الأيه الأولى قال ربي غفار يعني كثير المغفره ولم يقل غافر’’’’’ وشوفي الآيه الثانيه قال يغفر الذنوب جميعا يعني جميييييع الذنوب صغيرها وكبيرها ولم يقل ذنب
هذا حافز ياأختي كبير أنك ترجعين مره ثانيه لله سبحانه وتعالى وتخلين اليأس والقنوط وينك عن قصة اللي قتل 99 نفس شوفي كيف أنفس تبي تتعلق برقبته يوم القيامه لا وكملها بـ100 نفس وغفر الله له

وينك عن قصة مالك بن الدينار اللي كان يشرب الخمر وصاحب مشاكل مع الخلق وسمع قوله تعالى{ألم يأن للذين آمنو أن تخشع قلوبهم لذكر الله ومانزل من الحق}
ثم عزم على التوبة وتاب وتاب الله عليه......

أنا شوفي والله مره سمعت دكتوره في الجامعه تقوول اللي يبغى يتوب ولا يقدر ويقول ذنوبي ذنوبي يتذكر فقط عمر بن الخطاب وش كان عليه أول وش كان ألحين سبحان الله من العشره المبشرين بالجنه كان أول كافر برسالة محمد وغير مصدق بها وكان الرسول يقول اللهم أجعل أحد العمرين في الإسلام فيما معنها وشوفي كيف تاب إلى الله وتاب الله عليه وكان من العشره المبشرين..........

ياأختي والله حاااااااااااااسه بشعورك العلاج أنك ألحين تقومين وتحطين لك حصاله وتبدين من الآن التوبه إلى الله أول شيء تصدقي بمبلغ وقولي يارب هذي كفاره لذنوبي وأصرفي لك 100 ريال وخليها كلها ريالات وأي فتور ولا إذا رجعتي لحالك القديمه تصدقي ولا إذ ماتقدرين صومي يعني أي شيء تسوينه مايرضاه ربي من تأخير لصلاة ولا مشاهدة التلفاز ولا أي شيء قولي خلاص بكره أبصوم جزاء لي وإن شاء الله تتحسنين وصدقين والله ربي بيساعدك لإنك سويتي هالشيء لأجله........

صح ولاتنسييييييين صلاة الليل والإستغفار بعدها والنوافل وهذا رمضان جاي فرررصه عظيمه لاتفوتيها
وتذكري ربي وش يقول{ أنا عند حسن ظن العبد بي}
الله يفرج همك وييسر أمرك ولا تنسين من دعائك فأنا أيضا لدي هم عسى الله يفرج مابي وبك

يااختي:
انتي فيك خير بإذن الله .. مادام عندك تأنيب ضمير ومحاسبة لنفسك مستمرة ..

ولكن لاتجعلي هذي المحاسبة تؤثر على عباداتك ..
ترى هذا الشيطان يوسوس لك ويشكك في صلاتك ودعاؤك واستغفارك

تعوذي منه بكل وقت .. واكثري من الاستغفار في اليوم
والله يثبتك على طاعته

جاهدي نفسك على الطاعة واهم شي الصلاة لا تاخريها اضغطي على نفسك اول اسبوع ما تاخري الصلاة وبعدها بتتعودي تصليها بوقتها باذن الله
وبالنسبة للتفكير حطي لنفس وقت مثلا قولي ابي افكر نص ساعة باليوم واول ما تخلص النص ساعة على طول غيري مكانك وروحي لمكان ثاني سوي طبخة جديدة روحي اجلسي مع امك او حتى العبي مع اخوانك
المهم اشغلي نفسك واشغلي يدينك وعقلك بشي بسيط
لو حتى مثلا احجية تركبين فيها او لعبة بلايستيشن مثيرة او اقري كتب في شي جديد مثلا علم النفس او التاريخ او الادب المجال واسع
وانتي بتعرفي ايش اللي تهوينه اكثر
جربي تغيري اهتماماتك مثلا اهتمي بالديكور او الازياء والتصميم
خوذي كورسات لو تتعلمي على النت
واهم شي صلاتك لانها بتبعد عنك الشيطان ووساوسه وبتكوني بحال افضل باذن واحد احد

الله يفرج همك ويوسع صدرك وييسر امرك ويجعلك من كل ضيق فرجا ومخرجا

ومن أعرض عن ذكري فإن له معيشة ضنكا ونحشره يوم القيامة أعمى ...


حبيبتي لا تفكري كثير تعوذي من الشيطان كل مره تحسي بلضيق واليأس,
اشتغلي على نفسك خطوه خطوة عشان ماتتحطمي اذا تركتي فرض وا عملتي معصية شجعي نفسك
في البداية قربي نفسك من ربي فكري كيف انك تحبي الله وودك ترضيه طمعا برضاه والجنة
استغفري وانتي تتصفحي النت وتعوذي كثير
لاتنسي المعوذات الصبح والمساء
لا تخلي الشيطان يتمكن منك ويوهمك انك ميؤس منك

انا اللي جربته مع نفسي في الالتزام والمحافظه وترك الذنوووب والمعاصي....

بالتدررررررررررررررررررررررررريج

يابنات كل تشريعات الدين جت بالتدريج فمابالك بحنا يعني مستحيل بين يوم وليه راح نتغير ...اليوم نحافظ على الصلاه بعد اسبوع على السنه بعدين على الأذكار بعدين الصدقه...بعدين الاستغفار وكل شي يجر شي صدقيني عن تجربه


حبيبتي لا تقنطي من رحمة الله فالله رحمته واسعه