ماأعرف كيف ابدأ الموضوع او ارتبه ...
المهم انا مصابة بالعين في عيني وتساقط رموشي او يصيبها التقصف او اشعر بشيء اقوى من ارادتي بأن امسك رموشي وانتفها من سنين عديدة وانا اعاني وتعبت كتير من هذا الموضوع مما جعلني منطوية عن المجتمع بصراحة الكل كان يمدح عيني كانت ماشاء الله حلوة
انا بدي اعرف لو كنت تعرفي مين اللي حاسدك ايش تعملي معاها
تصارحيها ولا كيف
انا كيف عرفت انها فلانة بالتحديد ؟ اثناء ماكان الشيخ يقرأ علي من 3 سنين تقريبا شوفت وحدة وانا مغمضة عيني وهي تقول واو وهي بتطالع عيني بتعجب وانبهار طبعا هادا الموقف كنت ناسياه ماافتكرته الا وفت القراءة واول ماخلص الشيخ قولتله وسألته هي اللي شوفتها حسدتني قالي لاتحطي ببالك قولتله ماحزعل حتى لو هي وماحقولها شي بس طمني وانا احاول اخد منها شي او وضؤها بس ماجاوبني قالي اقرأي صور من القرآن وان شاء الله تتعافي
لما جلست افكر في الموضوع فعلا لقيت اني انا تعبت من وفت ماعرفتها اول مرة ومن يومها وانا بدأت اتعب تقريبا من 14 سنة وانا اعاني بس الله يشفيني
المهم انا عرفتها بس كيف اتصرف معاها ؟
اواجهها بأدب ؟ واخد وضوؤها والخوف انها ماترضى؟ ام اخذ من أثرها ؟
انا نفسيتي تعباااااااااااااانة جدا وزوجي مضايق مني لاني وحشت وبنعزل من الناس وبتألم كتير لما اشوف نفسي في المراية وببكي كتير تخيلوا عين بدون رموش الله لايبليكم ويشفيني ويبعد عنكم شر الحاسدين
من مر يعرف شخص اتحسد وكيف اتعالج ؟؟؟
بأمانة اوقفوا معايا بكل اللي تعرفوه
انا رحت لدكتور نفساني ومافي فايدة ورحت لكتور عيون وقالي مافيكي شي
وهادي عين وحتى لما تطلع رموشي وتتحسن اشوف في النوم كوابيس انها طاحت
واحس ايدي تاكلني نفسي امنعها بس شي في عقلي او احد يكلمني اني امسكها مااقدر اسيطر على نفسي
اما هي تطيح او انا انتفها
حاولت امنع نفسي ماقدرت
حطيت شطة على ايدي ... مانفع
ربط اصابيعي باللصق ... مانفع
وقولت لاهلي لوشوفتوني ماسكة عيني خاصموني ... مانفع ولو احد كلمني اتضايق وممكن اوح مكان لوحدي واجلس بدون ماحد يشوفني
ومحاولات كثيرة فاشلة
قولت ممكن لما ادرس التهي في الدراسة ومانفع
لما اتخطب ومانفع
لما اتزوج ومانفع
لما اخلف ومانفع
انا خايفة على بنتي لما تكبر وتشوفني وتقلدني الله يشفيتي
وخايفة زوجي يكرهني
وكيف لو بدي اتوظف حيلاحظوا ويقبلوني ولا لا ؟؟؟
الله يستركم فيدوني انا في انتظاركم
طبعا بتسألوا انا كيف اعمل
انا صرت ارسم عيني بالكحل عشان مايبان البياض مكان الرموش الطايحة احاول اداري لكن الكل لاحظ
لاتقولوا مجنونة الحمدلله انا جدا متزنة وعاقلة والحمدلله ماعندي مشاكل او عقد نفسية بس هادا غصبا عني والله انا ممكن امسك الموس واشيلها والله والله والله كرت نفسي
ترى انا جدا تعباااااااااااااااااااانة ادعولي بالشفاء وساعدوني
انا صرت كل مااشوف احد فيه شي حلو اقولها اتحصني واذكر الله واقول دايما ماشاء الله تبارك الله
الله اكبر على العيون البطالة الله يكفينا الشر يارب
أماااااااااااااااااااااااااااااااااااااااااااانة توقفوا معايا بكل اللي تعرفوه حتى من قصص اللي تعرفوهم وادعولي بالشفاااااااااااااااااااااء
dr-lolo @dr_lolo_1
عضوة جديدة
يلزم عليك تسجيل الدخول أولًا لكتابة تعليق.
اخت الحجه حواء
•
الله يشفيك ان شاء الله
خذي من اثرها اذا انت شاكه فيها وحتى بينك وبين نفسك ترتاحين لو ما تكون هيه اعزميها عندك على القهوه او الشاهي وغسلي الفنجان اللي شربت منه في كروانه واشربي منه وغسلي وجهك وكبي الباقي على راسك وجسمك والله يشفيك اختي يارب العين حق
الصفحة الأخيرة