الكل يشاركني الرأي كيف يقتنع زوجي مشكلتي الأبدية

السلام عليكم

باختصار وبعد تردد كثير لكن فاض بي الكيل
ماأقدر اتحمل وأصبر اكثر من كده

انا ليا 11 سنه متزوجه

كيف اقنع زوجي يشتري سيارة خاصه فينا علمأ انو ما يسوق لكن ع الاقل تكون موجوده وقت نبغى نخرج ما ناخد من احد سياره
الكل يتضايق وما يبغى يعطي
واكيد انتم عارفين الوضع اي وحده كيف تقضي مشاويرها وتروح وتجي مع زوجها
انا دايما لازم قبل كل خرجه اتنكد وانواع المرمطه من الاعذار اللي مو فيه واللي نايم مع انو موجود سواق اهلو بس اوقات معينه يعني بالكثير بعد المغرب اذا ابغى شيء بعد كدا لا ومين غير شكاوي السواق انا تعبان وانا انا

زوجي من النوع سمعا وطاعه والدي كلمت عمي في الموضوع وقلت لو نبغى سواق وسياره خاصه فينا على حسابنا قال لا ( رغم انو الحاله الماديه ممتازه هو وابوه )
مع انو مالو دخل بالموضوع بس زوجي يقول ما اجيب الا بموافقه ابويا قلت مو هو المحتاج احنا المحتاجين
تخيلو يابنات كلمتو من هنا ورفض وانا ابكي ولا حرك شعره منو ولا حزن عليا يقول احنا نوديك ونجيبك وانا ماارضى شيبه كبير اقولو وديني جيبني وبعدها يروح يشتري لنفسو افخم سياره ويحطها بالجراج ويقفل عليها لمشاوير السفر بس والسياره اللي قبلها لسه جديده اعطاها لولده التاني عشان سيارتو مو قد المقام
ليه انا غير اللي عندي ما كل وحده بزوجها ملزم فيها تروح وتجي من غير ما احد يدري عنهم
الا انا الكل يعرف وين اروح وين اجي
اخرتها مالو داعي تروح ومن غير الكلام اللي يوصلني

بجد انا مو عارفه ايش اكتب وايش احكي
بجد بنات ساعدوني ويمكن اخليه يقرأ الموضوع
اي وحده لا تبخل برأيها والله بدعيلكم
اي وحده تعرف قصه او شيء تقولو
بنات ماابغى الموضوع ينام بليز ابغى الكل يشارك ابغى الاراء توصل بالألاف

تكفون انا بهم وحزن ما يعلمو غير ربنا ولا أحد حاس بيا ولا أحد راح يحس
:(