مرحبا بنات
انا عارفه ان اللي يكتبون عن هالموضوع واشباهه من مشاكل الازواج والحمايل كثيرررين
وعارفه ان حل هالمشكله مستحييل والحل دائما ينقسم لنصفين في جميع الحالات
يا تخسرين اهل زوجك وتكونين منبوده في حمولتك او تخسرين زوجك وبيتك
وفي كلا الحالتين الحل مرررر
وانا لقيت لي حل بسيط وخفيف بس ربحت نفسي وراحتي النفسيه وحياتي
وصرت ماسكه العصايه من النص
مع ان الحل مو قووي مثل مابعض منكم متخيل بس بالنسبه لوضعي عند زوجي واهل زوجي يعتبر هذا اكبر تطور لي:)
وانا بقول لكم قصتي خبرة 10 سنين الى الان
في البداية امي وخالاتي ينصحوني قبل الزواج انتبهي تدخلين مع حمولتك على طول الا بعد ماتعرفينهم <<قصدهم بعد سنه اقل شي
وخليك رسميه معاهم بحدود وبدون تجريح او تعالي بس لاتصيرين مررره داخله معهم وتصيرين كتاب مفتوح لانك ماتعرفينهم وكنت اقول صح,, معاكم حق,, وهذا الكلام اللي راح انفذه
ومن اول شهر حكمت من نفسي انهم حبيبين<<غشييمه وشفت اسلوب التعارف معاي طيبه وحبابه
وصرت مثل الخاتم في اصبعهم لدرجة انهم يرسلون لي عيالهم ادرسهم في بيتي واقول معلييش خالتي مسكيينه اميّه ولا تعرف تقرأ
<<واخواتهم وش كبرهم اكبر مني بس غاسلين يدينهم من اخوانهم عارفين في اي زنقه انا اللي في الوجه وماكنت اقول ليش مايدرسوهم
ولايعبروني لدرجة اني اذا جيت لبيتهم حتى قمصان البيت العاديه مايغيرونها واللي قميصها مبقع واللي وسخ واللي شوي ويوصل للركبه من شحه ويالله>>طبعا هذا لبسهم لي من اول مره ازورهم في بيتهم بعد الزواج
<<<يعني بالبلدي ماعبرووني كأني اشتغل عندهم
اذا بغوا اي شي يرسلون رساله على الجوال جاافه لا سلام ولااحترام جيبي الغرض الفلاني وهاتي كذا.. بس
واستمريت على هالحال لحد ماتزوج ولدهم اللي اصغر من زوجي
بس زوجته صارت هي اللي تعرف لهم صح هههههه
من جت وهي بالقطاره تتكلم معهم وشايفه نفسها شوي
وهم شافوها كذا وشخصيتها قويه
صاروا من دخلت عليهم وهي الغاليه وهي حبيبتهم لدرجة انها اذا بغت تجيهم للبيت يلبسون احسن ماعندهم <<تخيلوا ماقد شافتهم بقمصان البيت
وهي تزوجت بعدنا ب 3 سنين ولاعمرها شافت واحده منهم شوشتها طايره او منحاسه هههه
وانا اللي كل الشين يطلع في وجهي <<انواع التخريعات هههههههه
وكانوا لو بغوا شي منها يالله يطلبوا منها ويكونون بقمة الادب والاخلاق و طبعا ترد عليهم: والله ما احب اعطي اغراضي احد وطبعا تكون مكشرره
وهالحكي يكون قدامي
وطبعا لما تكون فيه عزومه او زواج مايعطوني خبر يقولون لزوجي وزوجي يقول لي
اما مرت ولدهم الثانيه يدقون عليها ويترجوها حتى تحضر العزومه معاهم
بس كنت صااابره ولا احكي لزوجي ولما يسولف عن اخواته كنت اقول ياعمري يافلانه ,,وياقلبي يافلانه,, هذي قلبها طيب ,,وهذي حنونه <<<وهذا اكبــر غلط لاني كنت احسب اذا مدحت اخواته عنده صرت الغاليه وهذا مو صح
وهو طبعا داائما عند رجول امه <<ما اقول ليش بالعكس هي امه تستااهل يحج بها على كتوفه وهي الاصل مافيها كلام
وطبعا بعد ماتزوجوا طلع الوجه الاقبح والامررر
صاروا يجلسون لبناتي على الواحده مع ان بناتي وبشهادة الجميع قمة في الادب <<<لاني افنيت عمري عليهم وشددت على التربيه لانها اهم شي
وعيالهم الله يصلحهم ويهديهم شياااطين يمشون ويخربون ويضربون بناتي وابن امه يقول لهم ليش او لأ
مره جا واحد منهم شد شعر بنتي وصاحت قمت قلت له عيب عليك بس
قامت امه الله يهديها ولبست بشتها وكلمت زوجها وراحت لبيتها زعلانه<<طيب انا وش ذنبي وش سويت علشان قلت عيب ؟؟!
ومن يومها بس امسك في بناتي واحاول ابعدهم عنهم خوف من المشاكل
وطبعا بتقولون وش دور زوجي
اااه من بروووده الفضيع تخيلوا يشوفني انهان قدامه من اخواته والله ماتطلع منه كلمه حتى لو قولة لا اله الا الله مايقولها
وغير كذا كل اسراره عند اخواته و امه وانا داائما اخر من يعلم بالشي
يعني مره قرر انه مره يشتري بيت وشاور اخواته في كل شي ولما قرروا وخلصوا شافوني من بكره عندهم وقالوا لي اجل اعجبت زوجك الفله وقرر يشتريها <<تخيلوا طيحة وجهي ؟؟
وشلون يقرر ويفكر حتى بدون مايعطيني خبر ,,انا ماقلت يشاورني انا قلت بس يعطيني خبر
والحمد لله تفركش الموضوع ولا ندري وش الخيره فيه
يعني كل اخباره اعرفها منهم :(
وكان يضغط علي في زياراتهم تقريبا بشكل شبه يومي والبس واتميكج وانا دمعتي على خدي
واروح وانا ماسكه اعصابي والنتيجه صار عندي القولون العصبي وحوسه بسيطه بالقلب سببت عندي ارتفاع في الضغط <<قال لي الدكتور ابعدي عن التوتر <<<وشلون ههههه وانا اكل توتر واشرب توتر
ومن دريت عن هالمشاكل المرضيه اللي صارت لي وانا متبعه نظااام ان شاء الله يفيدكم مثل مافادني وان شاء الله بستمر عليه بإذن الله
حرقة الدم والاعصاب انا اللي بدفع ثمنها صح!!
وانا اللي بخسر نفسي والوحيدين اللي بيخسروني بناتي
واتبعت الطريقه وصرت ماسكه العصايه من النص لاخسرت زوجي ولا اهله
اولا صرت باااارده معاهم جداااا
في اي موضوع يفتحونه ويسألوني اذا كنت اعرف اقول لهم لأ ماعندي خلفيه
لانهم اذا عرفوا ان لي درايه باي شي راح يستهلكوني للاخير
خليهم يقولون وش ذا ماتعرف ولا يقولون سوي وجيبي وهاتي ويووه مسكييينه فيها ضغط
ثانيا صرت ناادرا ما اتكلم في اي موضوع صرت بس ساكته ولما يسألون سؤال اجاوب عليه رؤوس اقلام<<وهالطريقه تخليهم يحسوون ان عندك شي او مخبيه عنهم شي وفي هالحاله بيحاولون يدارون خاطرك حتى تقولين لهم سرك
وطبعا مافيه سر ولاشي ههههههه
ثالثا زوجي اللي المفروض يكون الصديق والاخ والحبيب صرت ما اقول له اي سرر خاص فيني او في اهلي يعني مثل ماخلاني غريبه عنه ابادله بالمثل وبدون اي تقصير في حقوقه
يعني الصدر الحنون اللي اشكي وافض فض له عن مشاكلي صار هو الحجر اللي تكسرت عليه احلامي
وانا فوق حذرتكم من المدح الزايد لاهله لاني لما شكيت له مره عن اخواته
قال لي مو كنتي بالاول تمدحين ليش الان تذمين <<يعني صرت قدامه كأني كذابه :(
فصرت قايمه بأمور البيت كاامله وبدون اي تقصير في حقه بس بالمقابل
صرت صندق مقفول قداامه
واهم شي اتبعته هو الاستغفار ثم الاستغفار لاتنسونه له مفعول السحر والله
والنتيجه اللي حصلتها الان بعد مرور سنه على هذا النظام
ارتحت نفسيا وهذا اهم شي
اخواته تحسنت معاملتهم لي تحسن طفييف <<<طبعا الان مايهموني
ومازالت محاولاتهم المريره<<< هههههه الله يبرد على قلبي
وزوجي مازال العمل عليه جاريا >>حسيت انه مشرووع هههههههه
تطور زوجي شوي وصارت الزياره الرسميه مره واحده بالاسبوع <<<<طبعا هذا اكبر تطور <<<ياعمري انرحم هههههههه
ولاابي اكثر من كذا
وزوجة اخوه مازالت تعاملهم بمثل اول مادخلت عليهم ومازالت هي الحبيبه وحااافظة اسرارهم <<<طبعا هالموضوع مايهمني كثر راحتي النفسيه في بيتي وبين بناتي
يعني سحبت نفسي منهم:)
طبعا يابنات نسيت اذكر علاقتي مع سلفتي
علاقه مره طيبه ويسودها الود والاحترام
وبصراحه هي انسانه مرره خدومه وتحب الخير
يعني بيننا احترام متبادل تشكي لي واشكي لها انصحها وتنصحني
يعني اللي يشوفها معاهم يفكر انها مغرورة او شايفه نفسها وانانيه
بس علاقتها معي دائما تفزع لي في اي شي <<طبعا بدون علم الحموله
الله يجزاها خير ويهون عليها يارب
اتمنى يابنات ان هالنقاط تفيدكم
واهو شي في تطبيقه الصببر ثم الصبببر مافيه شي يجي بين يوم وليله
موفقاات حبيباتي ولاتبخلون على بالردود اللي تشرح خاطري:)
ذابحني هواه @thabhny_hoah
عضوة نشيطة
يلزم عليك تسجيل الدخول أولًا لكتابة تعليق.
مبادئ في الحياة /1/ابعدبعيد حبك يزيد
2/اكرم عدوك كأنك تذبحة
3/من قدم السبت يلقى الاحد
اعرف ممكن تكون متناقضة بس كل واحد منها استخدمة في وقتة وكذا امشي حياتي0
2/اكرم عدوك كأنك تذبحة
3/من قدم السبت يلقى الاحد
اعرف ممكن تكون متناقضة بس كل واحد منها استخدمة في وقتة وكذا امشي حياتي0
كلامك دررر والله يااام القمرات الله يخليهم لك والله انا زيك قررت ان الباب اللي يجيني منه ريح اسده واسترررررررررريح
هلا حبيباتي
بصراحه ردودكم تشرح النفس وتسعد الخاطر
والسعيده هالوقت اللي تبعد عن المشاكل مو تغنيلها وبس الا ترقص لها هههههههه
يعني صار فيه ناس مثلي وتفكيرهم مثل تفكيري
اسعدتوني بمروركم ودعواتكم اللي تفتح النفس :)
بصراحه ردودكم تشرح النفس وتسعد الخاطر
والسعيده هالوقت اللي تبعد عن المشاكل مو تغنيلها وبس الا ترقص لها هههههههه
يعني صار فيه ناس مثلي وتفكيرهم مثل تفكيري
اسعدتوني بمروركم ودعواتكم اللي تفتح النفس :)
الصفحة الأخيرة
ان تكلمت دوروا الغلط في كلامي وان سكت قالوا ساكته ..
بس أصير ساكته ولا أحد يسبني ولا يغلط علي..