أختي برأيك
كل صيغة الإهانة التي كتبتِ بها
والإقلال من شأنها
والمقارنات مع فارس زمانه أخوك
انطوائية وأقل من عادية ومتكبرة وووالخ

برأيك لم تصل لها من إيحاءاتكم وتعبيرات وجوهكم ونظرات عيونكم !!

حتى ملابسها (كالراقصات) على حد تعبيرك المؤسف !! ألا ترين أنها ردة فعل لنظرات عيونكم بأنها أقل من عادية في جمالها , تريد أن تقول لكم حتى لو كنت أقل من عادية فانا امراة ولي جمالي وحتما سأسعد ابنكم بلباسي الجميل المثير !!

ألا ترين أن صيغة المن مليئة بكلامك , وانكم تفضلتوا عليها بالبيت والأثاث وغيره , والحق أنتم لم تتفضلوا عليها ولكن وضعتوه جميعه لسعادة أخوك , وكل إنسان يضع قيمته في بيته
يعني أنتم بذلتم كل هذا ليقال عملتوا وسويتوا !!

الا ترين أنه جميعا سيصل لها برسالات صامته , ستتصدى لها بصمت أيضا !!

والمن الواضح بمسالة الخادمة !! والخادمة شيء ما هو زيادة وانت تعلمين أن تقريبا ما من بيت يخلو من خادمة في مجتمعك , واول عن آخر سيأتي أخوك بخادمة لها لتعينها في تنظيف فيلا كاملة , يعني المسالة تحصيل حاصل

ولا أخفيك وصفك لموقف زيارتكم لها , واضح فيه المبالغه !!
فهل نفهم أنها لم تستقبلكم ولم ترحب بكم ولم تودعكم ولم تتكلم معكم طوال هذا الوقت !!
ما نفهمه يا أختي أنكم زوجتم أخيك من بكماء ... ولكنكم لا تدرون ...هذا ما يبدو !!

المسألة الاخيرة , يتضح من كلامك أن اخيك لم يتغير معكم ,ولم يقطعكم , وهذا يدل ان بنت الناس ما هي حاطاكم براسها
وطالما أن اخوك طيب معكم ومو مقصر(وهذا واضح في كلامك) إذا اتركي بنت الناس تعيش حسبما تريد , مع الانتباه لنظرات عيونكم وإيحاءاتكم ونظرتكم الدونية لها , فهذا يقتل الأنثى من الداخل ويخرجها عن طورها

ستغضبي وتثوري من كلامي , وأتوقع ذلك , لكن لا ضير إن كان سببا في أن تراجعوا أنفسكم قليلا

دخــون وتاو تاو مشكورين على ردودكم
:26:

عذبة الفؤاد هذا سؤال يدور في ذهني ليش زوجة الاخ دائما تجي وهي مشحونة وحاطة مية حاجز وحاجز ومتأهبة للشر الصراحة انا اشوفة شي غريب يعني المفروض انها تعتبرهم اهلها او على الاقل تعاملهم بدون ماتقدم الظنون السيئة ....
ومشكورة على المرور:26:

لوز وسكر مانقدر نكلمها لان امي مانعتنا تخاف تصير مشاكل لاسمح الله بينها وبين اخوي وتقول يمكن تتعدل مع الايام بس الظاهر مافيه امل .....وشكرا على مرورك:26:

لاعزيزتي انا لاغضبت ولا ثرت تدرين ليش؟؟؟
لان في الزمن الي عايشين فيه صار الواحد يتوقع كل شي....ومايستغرب اذا فسرت طيبته بانها ضعف واذا ذكر الحقائق يعتبر اهانة......و اذاالكرم يعتبر منة!!!!!!!!!
واذا اكرمت الكريم ملكتة......واذا اكرمت اللئيم تمردا
فما استغرب كلامك على الاطلاق...
لاني اشوفة على ارض الواقع حي امامي....
واذا هي حابة تسعد زوجها باللباس المثير الجميل على حد قولك!!!!! فالافضل انها تسعدة في بيتها موقدام الناس......يمكن انتي تشوفين انه امر عادي.....لكن مجتمعنا مجتمع محافظ
نستنكر انا نشوف مثل هذي الملابس الفاضحة...
اما مسألة الخادمة .....اذا كنتي تشوفين ان وجودها تحصيل حاصل وامر مفروغ منه فاسمحيلي اقولك انك غلطانة.....مو كل بيت فيه خادمة وفيه كثير يتمنون ان عندهم خادمة
وهم امهات وعندهم اطفال..
في وقت اخوي كان رافض انه يحضر لها خادمة.......
لكن امي هي من احضرت لها الخادمة ....
هل كانت امي ملزمة باحضار الخادمة لها؟؟؟؟لا ياعزيزتي امي لاكانت لاملزمة ولا مجبورة
لكن تصرفت هالتصرف من باب الطيبة والمحبة والتقدير لهذي الانسانة الي اعتبرتها مثل بناتها

ومسالة الزيارة والمبالغة في الوصف فاحب اقول اني اختصرت الكثير من الي حصل في هذي الزيارة....
وهي اكيد ماهي بكماء لكن احتمال انها تعاني من مرض نفسي لان مافيه انسان عقلة سليم ونفسيتة سوية يتصرف التصرفات هذي .....في وقت انتي تشوفين تصرفها امر طبيعي!!!!!!
وما احد ينكر الان ان فيه كثير يعانون من امراض وعقد نفسية يعيشون بينا ويتعبرون انفسهم اسوياء وعقلاء !!!!!
وكل اناء بمافية ينضح...

هذا سوء اختياركم

وغير كذا اذا هي مبسوطه هي واخوك هذا اهم شي يعني لو ابسطتكم انتو ما بيغير شي خلوها بكيفكم وخلوكم انتو الاكبر والاحسن منها

هلااااااا اختى

اسمحيلى اتكلم معاك بصراحة مادام انك عرضت مشكلتك هنا

اولا ربما تكون بالفعل احست او وصل لها مثل كلامك هذا خصوصا انه فى وقتنا الحاضر الناس ماتصدق تسمع كلمة علشان يوصلوها ويزيدوا عليها كمان


اذا شى طبيعى انها تتصرف معاكم بحذر

اخوك مثل مايبين من كلامك غااااااااالى عندكم اذا لماذا لاتتبعى المثل القائل من اجل عين تكرم مدينه انتى كونى المبادرة بما انك فى نفس البلد وانتى اكثر خبرة منها فى التعامل مع اهل الزوج اتصلى باخوك وقولى له انك بتزوريهم واعزمى نفسك عندهم وتكلمى معاها وسولفى واعزميها انتى فى بيتك وحتى لو وجدتى منها بروود طنشى وخلى عندك هدف انك تبغى تصلحى الامور بينكم وخلى بالك ان سعادة اخوك تكبر لما يشوف زوجته مرتااااحة مع امة وابوة واخواته ...........لاتنسى حبيبتى انها توها فى الحياة الزوجيه حتى لو عمرها 30 وانتى اخبر اننا فى البدايه مانكون عارفيين التصرف الصحيح مع اهل الزوج وكل هذا يجى بالخبرة والناس اللى اكبر منا

انتى خلى عمللك لوجه الله تعالى ويكفى تشوفى امك وابوك مبسوطيين بزوجة ولدهم وهذا بفضل الله ثم فضللك
اختى لاتقولى انا وش دخلنى فيها بكيفها انا ببتعد عنها وخلااااص لا والله حبيبتى الدنيا ماتسوى لو كل واحد تصرف معانا تصرف كذا ولا كذا وعلى طول حطينا عليه xصدقينى بيجى يوم مانلاقى فيه احد يدق علينا باب او يرفع سماعة تلفون والمثل يقول لو خليت خربت

مع اطيب تمنياتى لك بالتوفيق