الكل ينادى هنادى

حبيبتى تسنيم
انا حاسة كده انك بتعرفى تريكو صح ولا لأ
انا تحت امرك لو عايزة اى غرزة انا عارفاها اشرحهالك

سرارى متشكرة على احساسك الرقيق وتطوعك الطيب انا فعلا بعرف تريكو لكن من فترة قريبه ولى فيه تطبقات 1 سويتر 1 جاكت 1 بلوفر 1جوارب بيبى كلها اتعلمتها من المنتدىوعشان كده بحب اتفرج على الافكار المفتكسه , التطبيق بيشجعنى استمر ولما بعمل حاجه مفيده وجميله بكون سعيده وانا بدور على السعاده بس بالى مش خالى عشان ابتكر وشفت افكار هنادى وتطبيقاتها عجبتنى استنيت كتير ترجع بجديد او حتى المحها فى المنتدى محصلش فاضطريت انشر نداء عليها لو عندك افكار جميله بلوفرات حلوة او فساتين او اى حاجه جميله يا ريت تعرضيها ويا سلام لو نطبقها سويا

فى الحقيقة با تسنيم ان فعلا اعرف تريكو بس بصراحة بحس انه ممل ومبيرميش بسرعة
زى الكروشيه يمكن ده احساسى لانى بحب الكروشيه اكتر وبلاقى نتيجته قدامى بسرعة
وعالعموم انا تحت امرك فالاقدر عليه جربى وشوفى

تسلمى يا حبيبتى ربنا ما يحرمنى منك بس التريكو على قد ما هو مبيخلصش بسرعه بس نتيجته جميله فى الملابس الرجالى والاطفال بالذات يمكن الكروشيه حلو بالنسبه للسيدات عسان ذوقه بيناسبنا لكن صعب اعمل منه بلوفر اطفال ويدفيهم زى التريكو ويكون بروعة جماله فى اللبساصعب حاجه عليا فى التريكو هى تدخل الالوان خصوصا لو هعمل رسمه او الالوان هتكون بالطول يا ريت لو تعرفى الطريقه يكون لك الف شكر.