الكنافة الصادقة ....

السلام عليكم يا عضوات منتدى عالم حواء ...


كيف الحال وش أخباركم ..

قبل فترة ..

قرأت موضوع سموه الكنافة الكذابة ..

اللي هي الكنافة بالتوست و الخبز ..

إحنا عندنا نسميها ( عيش السرايا ) ..

اليوم أنا حاطة لكم الكنافة الصادقة ..

يعني طريقة الكنافة اللي نقدمها عادة مع القهوة و في العزايم .. وكذا ..

أول شيء ..

اشتروا الكنافة النية ..

شكلها مثل الخيوط ..

تمام ؟؟؟

بعد كذا ...

خذوا الكنافة اللي شريتوها ..

ومعاها زبدة ..

وفنجان شاهي سكر ..

أدهكوها مع بعض ..

طبعا بعد ما تكونوا فككتوا الكنافة .. و قطعتوها ..

لا قطع كبيرة تهول و لا قطع صغيرة .. تحول .. وسط إن صح التعبير ..

وانتبهوا .. إلين تحسوا إن الكنافة اتجانست مع الزبدة ..

يعني مو تكثروا الزبدة الين تغرق الكنافة و تصير شربة ..

و لا تقللوها إلين تصير ناشفة لو ترمي بها كافر يسلم ..

كمان وسط إن صح التعبير ..

جيبوا الصينية ..

وحطوا نصف الكنافة .. فيها .. وأكبسوها ..

بعدين ..

حطوا عليها الفستق .. رشة بسيطة ( فستق مطحون مو بكباره .. ) ..

و بعدين عليها حطوا القشطة .. ويفضل قشطة بلادي ..

هذيك القديمة .. قدم الزمان ..

و بعدين رشة نارجين فوق القشطة .. كمان مو كثير ..

و بعد كذا حطوا الكنافة الباقية ..

و دخلوها الفرن .. أول شيء النار من تحت ..

بعدين من فوق ..

إلين تحمر ..

جهزي الشيرة .. وصبيها عليها .. بس شرط إن الكنافة حارة .. و الشيرة باردة نوعا ما .. يعني مو كمان باردة بالحيل .. يعني دافية ..

و حلاوة الكنافة إنك تكثري الشيرة عليها .. وتخليها تتشربها ..

بس قبل ما تصبي الشيرة تكوني قلبتي الكنافة من الصينية في التبسي ..

أو في صينية أكبر شوي ..

علشان المنظر ..


بعد كذا ثلاجة قهوة مظبوطة من يدينكم الحلوة ..

و قطعيها .. وكلوها .. و أدعوا لي ..

و لا عادكم تروحوا لمحلات الحلويات .. لأنه حتى إحنا نعرف نسوي حلويات .. مو بس هم ..


وبالهنا و العافية ..


و معها تقبلوا أرق التحايا ..

من

جُمان ..