بنات هالطريقه خذتها من المنتدى بس مب متذكره صاحبتها .. الله يجزاها خير
المقادير :
كيس توست عادي بدون حواف
قالب زبده سائحه 113 جم
1 ملعقة اكل ماء ورد
1 كوب شيرة
الحشوه
3 اكواب حليب سائل
5 ملاعق كبيره نشا
3/1 كوب سكر
علبة قشطه
1 ملعقة اكل ماء ورد
الطريقة :
1 - تفريمن التوست بالفرامه و تحطين عليه الزبده السايحه و ماء الورد و تخلطينها عدل و تراعين ما تكون فيه تكتلات .. بعدها تحطين 4/3 الكيه في صينيه مدهونه بزيت .
2 - تسوين المهلبيه : تخلطين الحليب مع النشا و السكر و تحطينهم ع النار لين يغلي مع التحريك حتى لا يلتصق بالوعاء و تتركينها تبرد . بعدها اضيفي القشطه و ماء الورد و اخطيهم عدل .
3 - اسكبي الخليط على التوست في الصينيه و غطيه بباقي التوست و تخبزينها في الفرن حتى يتحمر سطحها و اطرافها .
4 - طلعيها و صبي عليها الشيره و قلبيها في صحن التقديم و زينيها بالفستق .
بالعافيه :)