وسوت الكنافه الكذابه بطبقه وحده
سهله وعجبتني جدا
وعلى طول رحت سويتها
طبعا وانا من الاول معتمده حشوة القيمر مع الجبن الموزريلا من فتره
وايضا حشوة السميد ايضا معروفه ولكن الحلو هنا هو جمع الحشوتين
مقاديرها سهله
توست مفروم
زبده وزيت او زبده لحالها
انا استعملت تقريبا 18 قطعة توست
وحطيت باكيت زبده صغير مع اشوي زيت
نخلط التوست بالزبده وتفرك جيدا وترص في طبق فرن
والحشوة عباره عن 3 طبقات
الطبقه الاولى: عباره عن قيمر او قشطه
انا استعملت كي دي دي الكويتي العلبه الصغيره
الطبقه الثانيه : جبن موزريلا
مالت البيتزا ومعروفه رشيته على وجه القيمر
الطبقه الثالثه : عباره عن حليب سائل وسميد وسكر ويطبخ على النار حتى يثخن ويصب فوق طبقة الجبن
استعملت 2 ك حليب سائل مع نص ك سميد مع ربع ك سكر
تدخل الفرن على 180 درجه لمدة نص ساعه او حتى تتحمر طبقة التوست ... تخرج من الفرن
ثم تقلب بصحن التقديم
وتسقى بالشيره وتزين بالفستق
لذيييييييييييييذه جدا لا تطوفكم
بس ممكن الطريقة بتفصيل اكثر
ومرسي خالص