الكهف

????????????????? :time:

يابنات الكويت:

شدعوا ما كو أحد يرد علي وين فزعتكم

أبي أحد سوي ديكورات الصالات قبل مانسافر

أمل فيكم كبيروبع أنا ناطرتكم

:time:

هلا مانيشا ....

أنا والله ماني من الكويت ....
لكن بأعطيك رأيي ( ولو أنك ماطلبتيه ) بس معليش أحنا وياكم يا أهل الكويت واحد ....

واللي موضة عندكم موضة عندنا ....

حكاية تصميم الديكورات على هيئة الغابات والأشجار و استخدام الشلالات انتشرت كثير في الآونة الأخيرة وصارت موضة الكوشات والحفلات ( النمط الاستوائي ) ....

لكن للبيوت بصراحة ما أنصحك .... لأنك بعد فترة حتملين منها وتصير شيء عادي وودك تغيرينها ....

و مثل هذه الأفكار ترى محتاجة مساحة واسعة لتنفيذها وحطي في بالك أنها تضيق البيت ....
ممكن تنفذينها في حديقة المنزل مثلا ... أو تخلينها على زاوية صغيرة عندك في الصالة أو على جدار إذا كانت المساحة عندك كبيرة ...

لكن اللي أبغى أقوله لك أني أنا بصراحة مع أنك تنفذين هالأفكار في حفلة عندك في البيت ... حتى لو كانت بسيطة و تفنني فيها .... بكذا ما حتملين وتغيرين من وقت لوقت وتفاجئين ضيوفك كل مرة بفكرة جديدة و ديكور جديد ( الحركات البسيطة حتى لو كانت صغيرة بالترتيب والتنظيم تفرق وتبان ) ...

اعذريني على اللقافه ... بس بصراحة ما طاوعني قلبي أمر و ما أقدم لك هالنصيحة :27: ....

أما عن السيراميك الشفاف بصراحة شكله فعلا بيطلع حلو خاصة عند المغاسل ....
و أنا لافه السوق والمحلات قريب لكن بصراحة ماشفته في السعودية ....
ياليت فعلا إذا فيه أحد عنده فكرة يفيدنا ....
لا يكون قصدك البلوك الزجاجي ؟ ...

يا هلاااااااا بالسوري

أنا ولله موقصدي....................... كلكم خير وبركة
بس أنا قلت بنات الكويت علشان يدلوني على المحلات الموجوده عندنا

أرجو ان توضحي ما المقصود بالبلوك الزجاجي؟

أنا الي أقصده أرضية على شكل مربعات شفافة تصلح المشي عليها

ويمكن وضع تحتها ورق عباد الشمس أو محار انتي وذوقك

أنا شايفتها في بيت وحدة وكانت روعه ماقالتلي أسم المحل ولا رقمه

قلت مالي الا بنات المنتدى وانشاء الله ماتقصرون معاي

جزاك الله خير يا سوري

على فكرة لقافتك حلوه مرررررررررررررررررره على قولتكم يا أهل السعودية الطيبين

شكرا يا السوري ..... ملاحظات في محلها ......جزاك الله خير ..

مانيشا ...


الجدار الزجاجي .... هو ما تقصدينه ....