الكوابيس ذبحتني وخلت ليلي جحيم

السلام عليكم ورحمة الله وبركاته
انا تعبانة كتير بسبب الكوابيس والاحلام اللي اضل تيجيني
من حد ما وعيت على الدنيا من طفولتي وانا بحلم كتير والاغلب احلام مش منيحة ومخيفة وهلا انا تعديت 30 وما زالت الاحلام والكوابيس تراودني والله مرات بتكون متل افلام الرعب
بس انا قبل ما انام كلللللللل ليلة لازم انفث واقرا المعوذات والاخلاص 3 مرات وما بتفرج على افلام رعب ابدا
بس احلامي غريبة ومخيفة والغريب مرات كتير وانا بالحلم بكون خايفة عالاخر ولسا بكون نايمة وبحاول اصحي حالي وافتح عيوني بس ما بقدر وبكون شايفة الغرفة قدامي بس مش قادرة اصحى بيكون الحلم مسيطر علي
مرة قبل الزواج في غرفتنا جاني كابوس مخيف وكنت مرعوبة وبدي اصحى بس مش قادرة وكنت انادي على خواتي بس ما كان صوتي واضح كنت انادي عليهم مشان يصحوني بس خافوا لما شافوني فاتحة عيوني وبحرك البؤبؤ اتجاههم ومش قادرة اقوم او احرك جسمي وانا شايفتهم كانوا قاعدين قبالي بتفرجوا علي مش عارفين شو يعملوا
يعني والله بشوف احلام بتخوفني عالاخر يا قتل او مناظر مخيفة او اني دايما هاربة او حد بعذب فيي او مناظر تعذيب قدامي وبصحى بنص الليل وانا مرعوبة وبدير وجهي عالشمال وبنفث وبستعيذ من الشيطان الرجيم
مين بتقدر تفسر اللي بصير معي وهاي الكوابيس ما رح تخلص من حياتي؟؟؟؟؟؟
قبل فترة جاني كابوس خوفني عالاخر وكان زوجي نايم جنبي انا فاتحة عيوني وشايفته وضليت انادي عليه بس يطلع صوتي مخنوق وامد ايدي عليه بس اشوف وجهه مخيف عالاخر واحسه بعيد ومرات بصيح وبصحى على صوتي وبصحيني وبطمني
الليلة حلمت كمان بكابوس من ضمنه انه امي كانت تعذب اختي وكان المنظر مؤلم ولما صحيت بكيت وكنت لحالي لانه زوجي مسافر وما قدرت انام بعد بسرعة
ليش دايما بيصير معي هيك مين عندها تفسير او بتقدر تساعدني اتخلص من هالعذاب اللي ملازمني من طفولتي ..............................................:44: