شوفي حبيبتي الراس اطبخيه لوحده ونظفيه كويس ( خلي الراس بالمقلوب انفه مثلا على لوح التقطيع واضربي بالراس شيليه واضربي انفه على اللوح بقوه كذا مره حتطلع الاوساخ الله يكرمك اللي بالانف كلها ويمكن يطلع لك دود لا تخافي طبيعي من الاعشاب اللي ياكلها الخروف بعدها اغسليه واطبخيه مثل الكوارع بقدر لوحده .. تقريبا نفس الوقت وانا اشيله واخليه بصينيه واحمره بالفرن النار العلويه واقلبه على الجهتين ..

الكرش نفس الشي في قدر لوحده بس بدلي المويه مره وحده وحطي معه بصل علشان الريحه
بعد ماينضج يمكن ساعه الى ساعه ونص صفيه وحمري له بقدر بصل جوانح وطماطم جوانح وملعقة صلصه وبهارات وملح وحطي الكرش عليه وقلبي واتركيه يتسبك دقايق ..

فيه طريقه ثانيه انك تحطي الكرش مع الكوارع بنفس القدر وتضيفي له فاصوليا بيضاء او حمص

ايوه صح المصارين تقدري تربطي فيها الكرش زي اللي تجي مع المندي الجاهز من برا

وشوفي اللي يعجب زوجك

وهنا وعافيه

ادعي لي تكفين ان كنت افدتك انا بحاجه للدعاء

بس ياقلبي انتبهي ترى الكرش لازم يتنظف مزبوط عشان ماتطلع ريحتها في الاكل

راعيه الاذكار
الله يسعدك ويوفقك يارب ولك دعوه بظهر الغيب
بس ماعليش اذا طفشتك باسالتي
كيف انظف الكرش والمصارين ويبي المصارين ملفوفه على الكراعين
تكفين من الاول با التفصيل

ام توتا تسلمين يا الغلا
اعطيني طريقه تنظيفها خففي شوي على راعيه الاذكار

هلا وغلا

المصارين نظفيها بمويه وملح وبعدين خلي المويه تجري فيها كأنها خرطوم لحد ماتنظف من جوه يعني حطيها تحت الحنفيه المويه تجري فيها

ولفيها على الكراعين واربطيها واغليها بمويه وغيريها مره ثانيه واطبخيها زي ماقلت لك فوق

الكرش نظفيها نفس الشي بمويه وملح واذا عندك فرشاة تنظيف الخضار نظفيها فيها بيكون فيها اوساخ بين شعيراتها واغسليها وكرري لحد ماتصفى المويه واطبخيها ، تقدري تلفيها بالمصارين وتحطيها مع الكوارع بس بعد ماتطبخيها لحالها وتغلي مويتها وتتخلصي منها

اي استفسار انا حاضره واسمحي لي ان كنت مش موجوده فيه البنات كلهم خير وبركه