رنيييم :

السلام عليكم ورحمة الله وبركاته... كيف حالكم بناات ... اشين شي أنك تشوفين الناس يسرقون فلوسك وانتي راضيه (يعني غصب عنك )... وهذا فعلا اللي صاير ..... من مين ؟.... من الكوافيرات والخياطات....... انا طرحت هذا الموضوع نناقش فيه بعض الحلول سؤال يا بنات انتم راضين عن اللي يصير ؟؟؟ ... بعض الكوافيرات زادوا اسعارهم من 500 إلى 700 إلى1000 تتوقعون ليش زادوها ؟؟؟ لان شافوا الناس موافقينهم على اسعارهم حتى لو وصولها 2000 ماراح يخسرون زباينهم.... هبالهم زاااد... ومع احترامي احنا مع هبالهم.... طيب إلى متى ؟؟؟؟ كوافيره اول مره اسمع بها يوم سألتها عن سعرها قالت 500 ؟؟؟؟ خير يا طير من انتي عشان تاخذين 500... والا صارت موضه !!! صار الحد الأدني لهم 500 وبالذات من اللبنانيات والسوريات .... ما كتبت هذا الموضوع الا لما قريت موضوع الأخت .......إم حصه انقهرت من هاللي اسمها روز.... زود على السعر الغالي نفس شينه وقل احترام كنها تسوي ببلاش..... مير حتى اللي يسون لك ببلاش ما يعاملونك بهالنفس.... الله يغنينا عنهم.... عندي بعض الاقتراحات لمواجهة هالحراميه:- طبعا هالاقتراحات ما تنجح الا بمساعدتكم 1- الحل البديهي أن احنا ما نتفق مع أي وحده تسوي مكياج بسعر غالي ( مقاطعه يعني) ....واللي ابيه منكم اي وحده عندها بديل مشغل اسعاره كويسه وشغله حلوه أو أي وحده تطلع للبيت وأسعارها برضوه كويسه تكتبه هنا...( عشان ما يصير لنا حجه ونقول وش نسوي مافيه إلا هم مكياجهم حلو) 2- الحل الثاني حماية المستهلك... وراح اكتب رقمه وهم راح يسمعون لشكواكم بالتفصيل الممل ... وكثر الدق يفك اللحام 3- الله يغنينا عنهم بإنفسنا.... سمعت عن ناس اخذوا دورات تجميل واستفادوا..على الاقل يصلحون انفسهم..... بس بصراحه انا ما اعرف مركز مجرب ومضمون... فاللي تعرف لا تقصر واليد الوحده ما تصفق وخصوصا انا احنا مقبلين على زواجات فهالعطله... وصدقوني صدقوني... لو لقوا ان الإقبال عليهم قل راح ينزلون اسعارهم ومعأ .. ضد جشعهم

السلام عليكم ورحمة الله وبركاته... كيف حالكم بناات ... اشين شي أنك تشوفين الناس يسرقون...

دلوعة أبوها23 :

موضوعك مررره حلو والله معاك واحنا وراك ان شاء الله ومن جد شي مررره يقهر واللي يبط الكبد زياده مكياج العروس اللي ما تفرقينه عن مكياج اي وحده رايحة للزواج لكن اسعاره حريقه حتى تخيلو وحده (بدون ذكر اسماء) تاخذ على مكياج العروس 5000 ريال( ثلاث اصفار جنب الخمسة) وهذا بس على المكياج لا تحسبونها تبي تفرش للعروس بيتها؟؟؟!!! طيب هذي العروس لو راحت احسن مشغل في الرياض وسوت مكياج وتسريحة توب ب500 او 700 او حتى 1000 مو احسن لها من هالخرابيط والفلوس اللي ضايعة على نصب واحتيال...الله يهديهم والله اني اعرف بنات ناس وعوائل مررره كبيرة واغنياء ماشاء الله عليهم هم اللي يسوون لنفسهم تسريحات ومكياج حتى في الزواجات وماشاء الله عليهم شغلهم يهبل وتقولين احسن من هالكوافيرات النصابات وبالعكس مفتخرات بنفسهم وبأشكالهم وبعدين عندي نقطه ابي اطرحها::: في احيانا بنات يروحون زواجات ناس بعيدين عنهم مررره او زواج صديقاتهم وتلاقينها على اخر طرز من المكياج والتسريحة وقبلها بكم يوم تلاقينها حايسة تدور كوافيره كأنها أخت العريس او اخت العروس وهي اساسا مالها دخل وماراح تلفت نظر الناس بالحفلة اللي مسويتها في حالها مو البساطة حلوه ليش ما تحط مكياج هادي او بس روج وكحل وتستشور شعرها او تلففه وتروح؟؟؟؟!!!!!! الله يهديهم

موضوعك مررره حلو والله معاك واحنا وراك ان شاء الله ومن جد شي مررره يقهر واللي يبط الكبد زياده...

رنيييم :

السلام عليكم ورحمة الله وبركاته... كيف حالكم بناات ... اشين شي أنك تشوفين الناس يسرقون فلوسك وانتي راضيه (يعني غصب عنك )... وهذا فعلا اللي صاير ..... من مين ؟.... من الكوافيرات والخياطات....... انا طرحت هذا الموضوع نناقش فيه بعض الحلول سؤال يا بنات انتم راضين عن اللي يصير ؟؟؟ ... بعض الكوافيرات زادوا اسعارهم من 500 إلى 700 إلى1000 تتوقعون ليش زادوها ؟؟؟ لان شافوا الناس موافقينهم على اسعارهم حتى لو وصولها 2000 ماراح يخسرون زباينهم.... هبالهم زاااد... ومع احترامي احنا مع هبالهم.... طيب إلى متى ؟؟؟؟ كوافيره اول مره اسمع بها يوم سألتها عن سعرها قالت 500 ؟؟؟؟ خير يا طير من انتي عشان تاخذين 500... والا صارت موضه !!! صار الحد الأدني لهم 500 وبالذات من اللبنانيات والسوريات .... ما كتبت هذا الموضوع الا لما قريت موضوع الأخت .......إم حصه انقهرت من هاللي اسمها روز.... زود على السعر الغالي نفس شينه وقل احترام كنها تسوي ببلاش..... مير حتى اللي يسون لك ببلاش ما يعاملونك بهالنفس.... الله يغنينا عنهم.... عندي بعض الاقتراحات لمواجهة هالحراميه:- طبعا هالاقتراحات ما تنجح الا بمساعدتكم 1- الحل البديهي أن احنا ما نتفق مع أي وحده تسوي مكياج بسعر غالي ( مقاطعه يعني) ....واللي ابيه منكم اي وحده عندها بديل مشغل اسعاره كويسه وشغله حلوه أو أي وحده تطلع للبيت وأسعارها برضوه كويسه تكتبه هنا...( عشان ما يصير لنا حجه ونقول وش نسوي مافيه إلا هم مكياجهم حلو) 2- الحل الثاني حماية المستهلك... وراح اكتب رقمه وهم راح يسمعون لشكواكم بالتفصيل الممل ... وكثر الدق يفك اللحام 3- الله يغنينا عنهم بإنفسنا.... سمعت عن ناس اخذوا دورات تجميل واستفادوا..على الاقل يصلحون انفسهم..... بس بصراحه انا ما اعرف مركز مجرب ومضمون... فاللي تعرف لا تقصر واليد الوحده ما تصفق وخصوصا انا احنا مقبلين على زواجات فهالعطله... وصدقوني صدقوني... لو لقوا ان الإقبال عليهم قل راح ينزلون اسعارهم ومعأ .. ضد جشعهم

السلام عليكم ورحمة الله وبركاته... كيف حالكم بناات ... اشين شي أنك تشوفين الناس يسرقون...

الفرفوشة :

قسما عظما يضحكون علينا هنا بالرياض...تصوروا بالمدينة...احلى مكياج وتسريحة بواغلى صالون ب300ريال واخلاق عسسسسسسسسسسل تحبينهم غصب... بجدة...صالون98 يعتبر من اغلى الصالونات بكم....تسريحة لا يعلى عليه.؟....ومكياج اكثر من رائع بكم؟؟؟ ب400ريال لا غير....ومع هذا الناس تشوفه غاااالي... بالحفر....صلحت مكياج كويتي يااااااااخذ العقل بكم؟؟؟؟؟؟؟....ب100ريال...والله العظيم....وجلس مثل ما هو لآخر الزواج.... انا معاكم بالمقاطعة فقط بالرياض ومطبقتها من زمااااان...صراحة الاسعار جنااااااااااااان وغبية والناس تدفع وهي مغمضة....وياليت الماكياج غريب...إلا عادي ما فيه زود....مثل شغل الاخت روبي اللي سمعت انه بددددددددددددع وطلع غبي مرة...

قسما عظما يضحكون علينا هنا بالرياض...تصوروا بالمدينة...احلى مكياج وتسريحة بواغلى صالون ب300ريال...

رنيييم :

مراااحب.... اتصلت على بعض المشاغل والمراكز اللي تسوي دورات تجميل... بعضعها ما رد دقيت على وحده اسمها أمل مصريه.... تقول انها تسوي دوره بـ 5000 لمدة اسبوع سألتها عن عدد الساعات قالت لين تتقين... طبعاً اذا انتهى الاسبوع وانتي ما عرفت شي اتحدا ممكن تعلمك زايده.... والمشكله يوم قلت لها ان اسبوع جدا قليله على خمس الاف قالت انا اعرف الحلال والحرام وانا هذي الفلوس اللي اخذها محللتها على نفسي وانا مرتاحه لان هذي الفلوس حلال اللي اخذها.... ولا هيب كثيره ابدا على اللي انا اسوي لكم لاني اعطيك خبرتي كلها ( ما خبرت الخبره تنشرى).... المهم ما علينا .... رزق الهبل على المجانين انا راح اذكر لكم مركزين اتصلت عليهم اليوم يسوون دورات تجميل طبعا معتمده من مركز تدريب خاص يعني لا مشغل ولا شغل خاص ام 5000 المركز الاول اسمه ( المركز المتحد في العليا) دورة مكياج لمده شهر بـ 1500 كل يوم ما عدا الخميس والجمعه ساعتين دورة الشعر نفس الشي بـ 1500 بعد عندهم دبلوم ( تجميل) 14000 لمدة سنتين رقمهم: 4657173 طبعا هذي المراكز موجوده في جريدة الرياض المركز الثاني ( مركز درة الجواهر) بينتهي التسجيل يوم الاثنين الجاي دورة مكياج وشعر كل وحده بـ 1500 يعني نفس اللي قلبها بس الفرق ان عندهم خصم لاول مجموعه 15% يعني تقريبا يكون 1275... وتقول احنا اول مركز متخصص في دورات التجميل ويعطونك شهاده مصدقه من المؤسسه العامه للتعليم الفني والتدريب المنهي... رقمهم: 4093991

مراااحب.... اتصلت على بعض المشاغل والمراكز اللي تسوي دورات تجميل... بعضعها ما رد دقيت على...