الكوافيرات يقولون لي "شأر انتا وازد هيلو" تعالي شوفي كيف..

صباح الخير
:42:

كان يا ما كان .. كان شعري خربان <<<< ياااااااااااي انا شاعره :icon28:

لالا نجي للجد.. انا وحده شعري خلقه نااااااااااعم ويلمع .. لكن عيبه دهني جدا جدا جدا جدا اجدن شي
يعني اذا تروشت الصباح يزيت بالليل .. عااااااادي

الشي الثاني من عيوب شعري انه لمعه قويه فوق و جفاف ونفشه تحت ((مو اللي انتوا متوقعينه يعني لكن مو حلو مقارنة بالجذور))

ويقدر الله علي و يبتليني بحب الصبغات .. جيبي عجلة الالوان و غمضي عيونك وحطي اصبعك على اي لووووون
.. كوني واثقه اني صابغته في يوم اسود من ايام حياتي

المهم اني رجعت الى رشدي .. وطايحه بالسطايل الطبيعي :42:
خصوصا اني احس اني هاليومين محلوه :22: كود انخطب والا شي والا شي والا ما شيات!! :icon28:

مالكم بالطويله .. رجعت شعري اسود .. ابتديت اهتم فيه اكثر و اشتريت اشياء تونس .. بسيطه بس فتاكه افتك شي بالعالم



اولا بحط لكم الاغراض و بعد هيك بعلمكم البروغرام حقي .. وترى انا مووووظفه لين المغرب يعني اطلع من شغلي 4 او 5 و اروح النادي و هيك يعني لا تجي وحده من ربات الحسن وتقول لي لاااا يتعب !! ترى والله حتى انا اتعب بس شعري ابيه يصير زي قبل .. زي دعايات الشامبو.. زي اي شي حلو بالدنيا


اولا اشتريت : حنا وسدر

و سويت خلطتين زيوت

الاولى: ((شوكه وملعقه وهي سمن و زيت مخلط من عندي فيه حلبه و محلب و نوى تمر و شرايح ثووووم قد راسين تقريبا ))

الثانيه: قارورة براشوت وقارورة دابر املا وقارورة زيت السمسم ابو اسد و قارورة زيت خروع وقارورة زيت الجرجير

واشتريت فاشكول بالثوم ((بعد كل استحمام)) منتاز بصراحه

وشامبو خفيف يناسب شعري ((بيبي جونسون - هيد اند شولدرز)) هذا اللي انا ارتحت له و انتي كيفك حسب راحتك



الطريقه:
بشرح لكم بالايام وانتوا رتبوا بكيفكم

السبت : خلطة زيت شوكه و ملعقه 6 ساعااااااااااات اقل شي
الاحد : راحه
الاثنين : خلطة زيت دابر املا وجوز الهند برضو 6 ساعاااااااااااات اقل شي
الثلاثاء:
الاربعاء:خلطة زيت شوكه و ملعقه مع الحنا و بيضه وزبادي وعسل و مغلي القهوه وشوي خل ((اخترتها مع الحنا عشان ريحة الحلبه والثوم)) ونخليها 6 ساعاااااااااااااات اقل شي
الخميس:
الجمعه: خلطة زيت دابر املا وجوز الهند مع السدر و مغلي البصل والثوم و ممكن تحطي بيضه وزبادي



لي الان شهر ونص


النتائج: الطوووووووووول السريع للشعر
من اسبوع كان عندي ملكه بالرياض ورحت صالون صغير جنب شقة اخوي.. شعري مسكوه كوافيرتين و خقواااااا شأر انت وازد هيلو .. لانه رطب جدا و قوي وثقيل وزاد سواااده
الكثافه .. للامانه ما انتبهت و لا راقبت لان النتائج لحد لان جايزه لي الحمدلله و مستمره



اتمنى اني افدتكم :26: