الكوافيره أمينه المغربيه؟؟

والله ماعرفها ولا سمعت فيها
.....................................
والله يسعدك ويريح بالك
....................................

السلام عليكم اختي

بصراحة انا من الامارات بس حبيت اني أتكلم عن كريمات التبييض اللي منتشرة بشكل فظيع في كل مكان وخصوصا عن اللي بالصالونات شوفي انا ما اعمم بس في حالة سمعت عنها وحالة شفتها قدامي في إختي

أول شي الحالة اللي سمعت عنها ان في صالون عندنا في بوظبي يسوي خلطة كريم للتبييض ويباع ما ادري يمكن بـ 70 درهم أو أكثر ما ادري صراحة المهم هذا المفروض انه يبيض لكن يقولون لج ان كل اللي استخدموه وفي منهم رجال بعد تلاقينهم الحين يتعالجون في المستشفى لانه يخلي البشرة مثل المحروقة ومتسلخة وكلها قرف سوري على الكلمة

اما الحالة الثانية فكانت في اختي لما يت تعرس كانت تروح للصالون علشان تنظيف البشرة وكل شي حق العروس وكان منها كريم تبييض بـ 500 درهم وسوته ما ادري كم جلسة مو جلسة وحدة بس أنا يوم شفتها قبل العرس بكم يوم صدق تقولين ويهها صاير مثل الورقة البيضا اللي ما فيها خطوط يعني بيضا بشكل غريب وفظيع وحلو وما في حبوب ما في اي شي ممكن يخرب البياض اللي صار فيها

لكن لما شفتها بعد العرس بشهرين ردت الحبوب أفظع والبقع صارت فظيعة وصار في حفر في ويهها ومرهقة وتعبانة مرة بشرتها

بس اعتقد انه هاي الكريمات انج لازم اذا بتسووينها انج ما تتعرضين للشمس أبدا لا من قريب ولا من بعيد لفترة معينة أو على طول ما ادري صراحة

أنا اقترح لو انج تسألين دكتور أحسن

وترا في صاحبة صالون انا كنت اعرفها اول كانت تقول ما في شي اسمه تبييض بشرة في أشياء تصفي البشرة لكن تبييض هذا شي يخرب البشرة لانه يلعب في الخلايا الملونة في البشرة

ومثل ما قلت لج أحسن تشوفين دكتور وتسألينه عن الموضوع هو بيكون أدرى

واسمحولي على الإطالة

اختكم

ضوء القمر 16

للرفع