~~~الكوردون بلو على طريقتي ~~~

السﻻم عليكم ورحمة الله وبركاته
اليوم رح شاركم طريقة عمل الكوردون بلو على طريقتي البسيطة ;)
وصدقوني طعمتها جنان ♥♥♥
اول شي بتجيبي صدور دجاج وتقطيعنهم بالعرض حتى يصير عندك قطعتين من كل صدر
بعدين حطي كيس نايلون ودقي قطع الدجاج حتى تصير مثل الورقة تقريبا
متل هي الصورة _____________>

بعدين بتجيبي قطعة الدجاج وتحطي عليها. مرتديﻻ اي نوع تفضيلنه وفطر مقطع وقطعة جبنة موزريﻻ وﻻزم تكون قطعة الجبنة عريضة،،،،، وممكن الواحد يحط فليفلة خضرة او زيتون يلي بتحبو ،،،
وهي صورة للطريقة _________>

الخطوة يلي بعدها نقوم بلف قطعة الدجاج بلطف ونقوم بتسكيرها عن طريق عود اﻻسنان ،،،
وهي صورة لهي الخطوة _______>

ثم نقوم بتحضير ثﻻث خلطات ====
1_ بيض مخفوق مع رشة فلفل ابيض واسود ورشة ملح
2_ بقسماط ناعم وممكن نطحن شابورة او كعك مالح
3_طحين مع رشة فلفل ابيض
وهي صورة للتحضير ___________>

ثم نضع قطعة الدجاج في الطحين اوﻻ ثم في البيض ثم بالقسماط
وفي هذه اﻻثناء نحضر صينة الفرن وندهنها بالزيت وﻻننسى شوية زبدة ﻻنها يتعطي نكهة لذيذة ،،،،،
وهي صورة للطبق بعد اﻻنتهاء من تغليفه بالبقسماط ________>

واخر شي بتحطيها بالفرن على درجة حرارة متوسطة الى خفيفة لمدة نص ساعة تقريبا وقبل مرور نصف ساعة يفضل انك تقلبي قطع الدجاج على الوجه اﻻخر حتى تتحمر
وهذه صورة اخيرة للطبق مع الصوص والخضار المشكلة والبطاطا البيوريه ________>

وبالنسبة لطريقة الصوص يلي فوق الدجاج فهو صوص البشاميل بس انا ساويته شوي سائل يعني مو جامد وضفتله فطر مقطع ،،،
والخضار المشكلة هي عبارة عن جزر صغير مسلوق لمدة ربع ساعة وبزاليا ايضا مسلوقة لربع ساعة،،،، نضع بالمقﻻة القليل من الزبدة ونضيف قليل من الفطر ونحرك جيدا ثم نضيف الجزر والبازاليا ونقلبهم جيدا مع اضافة رشة فلفل اسود ،،، وتقدم ساخنة جانب الكوردون بلو
اما البطاطا بيوريه فهي عبارة عن بطاطا مسلوقة جيدا
نقوم بتقشيرها وهرسها ويفضل وهي ساخنه حتى يسهل علينا هرسها
ونضيف لها زبدة وملح وقليل من الحليب ونخلطهم مع بعض ،،،،
وصحتين وهنا
مﻻحظة : بامكانك تحضير الوصفة قبل وقت او قبل ليلة ووضعها بالثﻻجة لثاني يوم
سامحوني اذا كان الشرح غير وافي. ،،،،،،،
دعواتكم لي ♡♡♡