زائرة
الكوكتيل المنزلي اتحدى اكبر مطعم
تفاحه موزه انانس من البقاله معلب شمام قطعتين صغاروجوافه ومنجا جاهزربع كاس او حبه طبيعيه علبة حليب بوني بيبي او حليب نيدو لون الفراوله يباع في البقالات المهم قطعي التفاحه وحطيها في الخلاط وحطي الموز والاناناس والشمام والجوافه ونصف علبة حليب نيدو وملعقتين كبار سكر وجطي ثلج ونصف الخلاط ماي واخلطيهم وشوي شوي حطي لون الفراوله حتى يبتدي يتلون باالون اللي تبينه احمر فاتح غامق بس لاحظي لازم تكون الكميه قليله هذا الكوكتيل المخلوط باالنسبه للطبقات الطريقه سهله وهي اخلطي المقادير السابقه الا الموز والمنجه اذا كان المنجه جاهز من البقاله صبي ربع كاس وخليه المنجا دائما اول شي في الكاس لاانه ثقيل بعدين سوي عصير الموز بروحه حطي موزتين وربع علبة حليب بوني او ملعقتين حليب نيدو وملعقه كبيره سكر واخلطيهم مع بعض طيب نجي نصبهم في الكاس قلنا اول شي المنجا بس قبل المنجا حطي بطرف الملعقه لون الفراوله وحطيه على الكاس وبعدين حطي المنجا فوقه ربع الكاس وبعدين جطي الخليط السابق اللي كان تفاح واناني وشمام وبعدين حطي فوقهم الموز وبكذا تحصلين على عصير خيالي ممكن تحطين اسكريم ملعقه على الكاس او تحطين قطع فواكه صغيره شقف اهم شي تاكدي من السكر ولازم تحطين ثلج علشان البروده وانتبهي لايكون الخليط ثقيل خففيه شوي :32:
6
3K
هذا الموضوع مغلق.
زائرة
•
الكوكتيل المخلوط لشخصين المقادير علبة لون الفراوله من البقاله حبة موز حبة جوافه حبة تفاحه علبة اناناس من البقاله صغيره حبة منجا طبيعيه او علبه عصير جاهزه يفضل النوع الجديد نادك لاان طعمه رهيب حبة شمام اوبطيخ اوخربز باالشامي علبة حليب بوني بيبي او ملعقتين نيدو كبيره وفنجالين سكر الطريقه حطي الموز والتفاح المقشر والمقطع والانانس والجوافه وممكن تستغنين عن الجوافه بس الجوافه تعطي نكهه حلوه وحبة الشمام وحبة المنجا ونصف علبة الحليب او الملعقتين النيدو والسكر وخلطيهم مع بعض واثناء خلطهم حطي بالتدريج وشوي شوي لون الفراوله حتى يتلون الخليط بااللون المطلوب طبعا لاتنسين كمية الماء اثناء وضعك للفاكهه في الخلاط تكون لنصف الخلاط ويكون معها ثلج لاان الكوكتيل حلاته بارد اذا حسيتي ان الكوكتيل ثقيل ويحتاج سكر زيدي الماء والسكر هاذي يااختي ياسمين طريقة الكوكتيل والله اتحدى اي مطعم بطعمها جربي وشوفي بالنسبه للكوكتيل الطبقات اللي يجي شكلهالوان فوق بعض سهل جدا وهذا تراه اطعم واذرب واروع في التقديم والطريقه هي اولا نسوي عصير الموز والطريقه هي حبة موز ملعقتين نيدو ربع الخلاط ماء مخلوط بثلج وفنجالين سكر واخلطيهم مع بعض في الخلاط اوكي باالنسبه للمنجا انا انصح باالجاهز افضل اذا كان متوفر عندك طبيعي سوي عصير المنجا قشري حبتين منجا وحطيهم في الخلاط وحطي ثلث الخلاط مويه وثلج وفنجال سكر واخلطيهم هذا خلصنا منه نجي للمرحله الثالثه حبة تفاح حبة اناناس من البقاله حبة شمام وحطيهم في الخلاط مع فنجالين سكر وثلث الخلاط مويه وثلج واخلطيهم هذا خلصنا منه الحين نجي نحطهم فوق بعض في الكاس كاس التقديم اولا في كل كاس حطي طرف الملعقه لون الفراوله بعدين صبي عصير المنجا ربع الكاس لاانه الاثقل بعده صبي على المنجا خليط كوكتيل الفواكه لاانه اخف شوي وصبي فوقهم خليط الموز بس لازم يكون الحجم متساوي في التوزيع هنا يجي دورك في التفنن في وضع حبة بتقال مقطوعه اوحبة كرز او اناناس في اعلى الكاس اقصد شكل التقديم ممكن تحطين اسكريم في خليط الكوكتيل او فواكه صغيره مقطعه شقف او ملعقة عسل انا علمتك الطريقه وانتي عاد تفنني في العصير والله يخليك اذا سويتيه خبريني يمكن يكون عليه ملاحظات اساعدك وتراه والله رهيب وكل من شربه اخذ طريقته جربيه واهم حاجه انتبهي لايكون ثقيل مره ولا سكره ناقص وحاضر لااي سؤال :34:
زائرة
•
الكاس له دور في التقديم الكاسات الملونه تعطي شكل رهيب للكوكتيل من الخارج خصوصا الطبقات بالنسبه لعصير المنجا اذا جبتيه من الخارج المقادير برع الكاس ويفضل عصيرات ندى او نادك او الشركه الكويتيه وا البحرينيه كلهم حلوين وطعمين ونحبهم:32:
ياسمينة
•
يعطيك الف عافية ..
صحيح ما كتبت المقادري كل في سطر .. لكن الشرح صار واضح ..
و ان شاء الله اسويه في اقرب وقت :28:
صحيح ما كتبت المقادري كل في سطر .. لكن الشرح صار واضح ..
و ان شاء الله اسويه في اقرب وقت :28:
ماجنتا
•
شكرا اخي قطو المطابخ بس لا مااضفتها في موضوع
كوكتيلات الفنادق اللي انا كتبته وطلبت مشاركتكم فيه ؟؟؟؟؟؟:30: :30:
كوكتيلات الفنادق اللي انا كتبته وطلبت مشاركتكم فيه ؟؟؟؟؟؟:30: :30:
الصفحة الأخيرة
بصراحة ودي اسوي العصير .. لكن ما فهمت منه شي :(
يا ريت تعيد كتابته .. اكتب لي المقادير كل في سطر اذا تكرمت :(