صباحكم رضا وطاعه للرحمن ..
البارح سويت كوكيز قلت انزله بالمنتدى تستفيدون
للعلم فقط :
انا كنت مستبعده استبعاااد كلي اني اعرف اضبط الكوكيز وكنت اتحسسر اذا شريته من محلات الكوفي شوب يعجبني واتمنى اعمله بالبيت .. والحمدلله صرت اضبطه
اول مره سويته كانت تجربه :06: فاشله صار مثل الحصى قاااسي لاني عجنته وخليته مثل الفطاير وهذا غلللللط .. مالكم بوجع الراس << قالت قصة حياتها ههههههه
..
ماصورت جميع الخطوات لاني ماتذكرت الا بعد مابديت وخلطت :cook:
العوض ولا القطيعه جبت لكم كم صويره خبري فيكم مثلي تحبون الصور :hahaha:
هذي صوره مختصره للمقادير ونسيت اصور الدقيق والسكر البني
تحطين بالخلاط البيض او المولينكس اي شي المهم تحطين
اصبعين زبده ذايبه بحرارة الغرفه وتخلطيييييينها لمدة 5 دقايق وبعدين تضيفين نص كاس سكر بني ( أسمر ) وثلاث ملاعق سكر بودره ابيض وتستمرين بالخلط
وبعدين تضيفين 2 بيضه وفانيلا انا بصراحه أكثثثر الفانيلا عشان تغطي طعم البيض والحمدلله مايبان وذره بسيطه ملح
بعد ماينخلطوون بيصيرون مزيج مثل الكريمه سايل شوي
تصبينه بسلطانيه او طاسه او غضاره << جابت جميع اللغات
وضيفين عليه ملعقه p.p وكبي عليه دقيق انا صراحه اكب من الكيس مااكيل بالكاسه
وتخلطين بالملعقه لييين يصير بهالشكل : وانا اضفت قطع شيكولاته
بعد ما تمزجينه مع بعض تكونين مجهزه صينيتك وفرنك مولعته من اول يكون حااار
اذا عندك ورق زبده ممتاز ... بس انا ماكان عندي فدهنت صينيتي بشوي زيت نققققطه وشكلت الكوكيز بالملعقه لانه يتلصق مايصلح بيدك
لا تدققون يابنات بشكل الصينيه :09:
المهم تحطين ببالك انها بتنفش وتكبر فماتقربينها من بعض مرره
هذا شكلها بعد مااستوت ويا سلاام ع الريحه والطعععم ملاحظين كيف منتفشه وهشه
وبالنسبه للشوكولاته هذي
7
7
هذي شريتها وتوهقت فيهااا كنت ابيها للكوكيز بس يوم ذقتها الا مرررره :icon33:
فاللي عندها فكره شلون استفيد من هالشوكولاته تقول لي وابدعي لهاا
..
اخيرا خلص موضوعي ويشهد الله علي اني تعبت بتحميل ورفع الصور وكتابة الموضوع كله عشانكم تستفيدون
اتركو تعليقكم لا تكتفون بالنظر بس<<< اي طيب
دعواتكم ان الله يرزقني بوظيفه ارتاح فيها وقريبه من بيتي ويشفي امي شفاء عاجلا ويلبسه الصحه والعافيه
قهرررررررر