السلام عليكم و رحمة الله و بركاتة
انا حبيت اكتب موضوع عن الكونسيلر ( خافي العيوب) عشان في بنات و سيدات و مايعرفو كيفية وضعة او يحطوه بالطريقة الخاطئة
انا دائما معروف عني في مواضيعي ان احب اتكلم كثير و انكت كثير يمكن بردانة اليوم و ما عندي نوم وفوق هذا مشغلة الدفاية و حاطة البطانية و اللحاف و جالسة مثل الشبح:07: >>> مو قلت ذلحين ما ابغى اتكلم يا حبي للهرج:dry: >>> اخلصي:unsure:
اليوم راح اختصر كلامي شوي
وراح ادخل في الموضوع دغري
اول شئ كنت احب احط صور من تصويري بس التوصيلة الي توصل اللاب بالجوال اختفت عشان كذا رحت لعمي قوقل و طلعت صور ( يعني هذة مو صوري بس انا بأمانة جربت هذة المنتجات وراح اقلكم راي فيها ) وبعدين راح اقلكم كيفية وضع الكونسيلر
يلا نبدأ
بسم الله
الكونسيلر ( خافي العيوب)
هذول هم الي استخدمتهم لحد الان
1- كونسيلر ماك : انا جربتة لحد اخر روح فية رأي فية لا بأس به ( بعد ما خلص ما اشتريت واحد ثاني قولو ليش ) عشان ما يستحق الثمن هذا هو صح غالي بس اذا ابغى اشتري شئ غالي لازم استفيد منه بس هذا الكونسيلر حسيتة يجلس في البشرة مدة معينة و بعدين كانك ما سويتي شئ يعني الجلد يمتصة و الصور خاصة التصوير بالفلاش شئ يفشل مرة
رقم 2- كونسيلر ميبلين: هذا احبة حبة لحد الان احسه احسن كونسيلر ( اكيد اشتريت من بعدة و يستحق كل فلس كل ريال فيه ) اول شئ يغطى الهالات السودة و يجلس مودة طويلة يعني انصحكم فيه
رقم 3- كونسيلر غارنيه: نفس الي قبلة و انصحكم فية و ينفع للجامعة و المشاوير النهارية انصحكم فية
رقم 4- كونسيلر make up for ever : لا بأس به بس احسن من ماك انا بالنسبة ليا حسيت انه مرة ثقيل ( ينفع للمكياج الثقيل ) يعني الشادو يكون غامق ورسم العيون ثقيل
هذول الي انا جربتهم عندكم نصائح فيه ياريت تقولو اذا عندكم منتجات (ماركات) ثانية جربتوها وعجبتكم قولو لي عنها عشان انا استفيد و غيري استفيد
طريقة وضعة
1- بي فرشة الكونسيلر : هي معروفة بس حسيت انها تمسح الاساس ( يعني ما حبيتها )
2- اسفنجة ريل تكنيك : كيف طيب من الناحية الي هي طالع لها بوز ههههه >> ما عرف اوصف ياجماعة بس مو مسح بالطبطبة عشان الاساس لا يروح
3- اسفنجة بيوتي بلندر: نفس الي قبلها بس هذة الاسفنجة لازم تتبل و بعدين تعصريها لحد ما الموية تروح عنها و بالطبطبة
4- شايفين في اي صورة لي رقم 4 لا ( طالعي في يدك و راح تعرفي الاداة التالية ) اصابعك بعد ما تحطي الكونسيلر تحت عيونك باصبعك بحركة الطبطبة تحت العين و فوق العين لحد ما تشوفي ان الكونسيلر توزع في جميع انحاء العين و امتزج مع الاساس
ملاحظات: لازم توزعي الكونسيلر على جميع انحاء العين لحد ما تحسي انه امتزج مع الاساس
بالنسبة لكونسيلر ميبلين وغارنيه بنفس العلبة خط واحد تحت العين ( وطريقتي احط في الجبهة شكل مثلث بالمقلوب و الانف خط واحد و في منطقة الذقن ) ليش؟؟؟ عشان لما امزجة راح يطلع شكلة مثل الهايلايت
وبالنسبة لي ماك كنت احط بالنقط حول العين كلها و بعدين بالاسفنجة و اكمل بأصبعي بالطبطبة
اذا عندكم طريقة اخرى اكتبوها عشان انا استفيد و غيري يستفيد
ها في اختصار احسن من كذا لا >>> والله حاسة نفسي خفيفة بعد ما خلصت ;)
يلا اشوفك بكرة اقصد اليوم بعدييييييييييييييين
تصبحون على خير
اختكم في الله:26:
افضل شيء استخدمته من ميبلين .. تسلمي ع الموضوع