هو بس انا من بين كل المخاليـق = اللي عزاه (بساعة الضيق حبره )
عيني شعر تبكي رحيل التوافيـق = وحظي كسيرٍ ماقوى الوقت جبـره
والكون واسع بس انا احس بالضيق = ما كني الاّ سلك في خـرم الابـره
واللـي بكفينـه لَعَـبْ بالمعاليـق = أقفى معه من جرح الايـام عبـره
أقفى وهو ضامي وانا ناشف الريق = وفصدورنا لاصوات الاحزان نبره
أقفى وحملّني (عنا) فوق ماطيـق = منهك جسد ووجيه الايـام غبـره
متعلقٍ في خيـط الامـال تعليـق = ومالي على تصريف الاقدار دبره
أدخل بغيبوبه من الحـزن وافيـق = والقى زماني مثل ماكنـت اخبـره
بالضيقه يجـدد معـاي المواثيـق = حتـى تحدانـي زمانـي بكبـره
ومادمت انا طير وجروحي مسابيق = قلبي على هالضيق ياقـوّ صبـره
ومادام ماللطيـر نزعـه وتحليـق = لاوالله الاّ باقـي العمـر ثَـبْـرَه
وتدري بخير الله يحييك يالضيـق = جيتك جسد متوفـيٍ وانـت قبـره
ممااا راااااق لي
(ودي)
معادلة مستحيلة @maaadl_msthyl
محررة فضية
يلزم عليك تسجيل الدخول أولًا لكتابة تعليق.
بنت اخت خالها
•
حياة عمري مو بس انتي الي ماعندك غير الكتابه تعبري فيها عن الي بقلبك كثيرغيرك كذا وانا اولهم تسلمي
الصفحة الأخيرة